Ungasianiit atuartitsineq

Kikkut tamarmik iPadseqalerneranni atuarfiillu tamarmiusut sukkasuumik pitsaasumillu interneteqalernerisigut ilinniartitseriaasissat soqutiginartut nutaat tamanut ammaanneqassapputt. Taakkulu ilagivaat ungasianiit ilinniartitsineq. Tamanna Qeqqata Kommunianit siusinnerusukkulli ingerlanneqarsimavoq atorlugu “Granny Cloud”, tassuunalu atuartut nunarsuarmi allaniit ilinniarrtitsisoqarlutik tuluit oqaasiinik ilinniarnertik ingerlassimallugu. Ataani iserfissatut allanneqartoq iserfigalugu takuneqarsinnaavoq pilersaarutaasoq pillugu Anna Heilmann oqaluttuartoq.

Avannaata Kommuniani aamma ingerlatamik aallartitsisoqarsimavoq, tassani sananermik ilinniartitsinermut atatillugu Ilulissanisananermik ilinniartitsisoq Miki Olsen Saqqami atuartunik ungasianiit ilinniartitsisarluni. Anders Øgaardillu ilinniartitsisunngorniarfimmeersup tamanna malittarisimavaa filmiliarisimallugulu.

Februarip qaammataata allartinnerani Miki, Anders, Anna allallu Kalaallit Nunaanni ungasianniit atuartitsinermik misilittagaqartut Kivitsisap siullermeersumik ungasianiit atuartitsineq pillugu isumasioqatigiissitsinerani peqataassapput. Tassani ungasianniit atuartitsinermut tunngasut sammitinneqassallutik neriuutigineqarlunilu taamatuma saniatigut aamma periarfissanik nutaanik allanik inerisaasoqarsinnaajumaartoq, ataatsimoorfigalugu, tamanit  tunngavigineqassammat Kivitsisap tungaanit allaavissatut aaliangiunneqarnikuusoq, tassalu ingerlaneqartut tunngavigis-sammassuk misissuineq ilinniartitseriaasissanillu nutaanik ilusilersuineq.

https://sermitsiaq.ag/kl/nunaqarfimmiut-internettikkut-tuluttut-atuartinneqartartut

Kan du lide nyheden?

Share on facebook
Del på Facebook
Share on twitter
Del på Twitter
Share on linkedin
Del på Linkdin
Scroll to Top