Angerlarsimasunik atuartitsineq – soorunami sapinngilarput!

Kalaallit Nunaanni atuarfiit matupput ataasinngormat 23. marts 2020, maannalu nunarput tamakkerlugu ungasianiit qarasaasiat aqqutigalugit atuartitsinerit misilittarneqarput.

Atuarfinni iPadseqartuni taamatut ingerlatsineq nalinginnaasutut ingerlavoq. Kivitsisap ilinniarnermi ilusiligaa, atuartut misissuinermik, pilersitsiortornnernik paasisaminnillu siammartiterinermik tunngaveqartoq, iPadseqarfiusuni atussallugu naleqqulluinnartuuvoq. Tassanilu ilinniartitsisut atuartitaminnut siammartiterut Showbie atorlugu nassissuisarput. Taava atuartut suliakkiisutit suliareriarlugit ilinniartitsisuminnut utertitsisarput tassanngalu qisuariarfigineqareeraangamik sulileqqittarlutik.  Sumiiffinnilu taamatut periarfissaqarfiusuni, ilinniartitsisut atuartullu programmi Zoom atorlugu elektroniskiusumik ”naapiffeqartarput”.

Neriuutigaarput, maanna pissutsit sukkakannersumik anigorneqarsinnaajumaartut taamallu atuarfinni klassinut uterarsinnaalerumaartugut. Tamatumali tungaanut qarasaasiatigut misile-raanerput ingerlateqqissavarput, nutaanik periarfissanik ungasianiit atuartitsinermi atorneqarsin-naasunik soqutiginartunik misilittaanigut aqqutigalugit ilisimalikkatsinnik katersilluta.

Uani assimi takusinnaavat ilinniartitsisoq Bjarne Nielsen atuartuutini angerlarsimaffimmini nerisarfimminniit atuartileruttorai.

https://sermitsiaq.ag/kl/kivitsisa-angerlarsimalluni-atuartitsinissamut-piareerpoq

Nutaarsiassaq paasisaqarnarpa?

Share on facebook
Facebook-imi siammaruk
Share on twitter
Twitter-imi siammaruk
Share on linkedin
Linkdin-imi siammaruk
Scroll to Top