Marlunngorneq ulloq 17. marts 2020 nalunaarutigineqarpoq, nunatsinni atuarfiit tamarmiusut matugallassasut, coronap tuniluutinnginnissaa isumannaarumallugu. Tamatuma malitsigisaanik pisariaqalerpoq atuarfinnut atatillugu sukkasuumik eqqarsarnissaq, isumanaarsinnaajumallugu atuartut ilinniartinneqarnerisa ingerlannarnissaat, atuarfimmukarsinnaanngikkaluarlutik.
Atuarfinnik tassanngaannartumik matuseriataarneq Kivitsisap ilinniutissanik ilinniartitseriaatsinillu ingerlatsissutaasinnaaneranut ammaassivoq. Taamaattumik Kivitsisamiit nalunaarusiornikuuvugut, pisup aqqutaani ilikkakkatsinnik katersuiffiusumik. Uuma atuagassiap ataani taanna aasiinnaavat.
Nalunaarusiaq suliarineqarpoq erseqqilluinnartumik takusinnaajumallugit atuarfiit matunerini iPadsit atorneqarneri suni ingerlanneqarsimasut qanorlu annertutigisumik atorneqarsimanersut. Kiisalu suliarineqarpoq aqqutaani ilisimalikkat katersorumallugit. Atuarfiit matoqqinneqartariaqa-lissagaluarpata misilittakkat suli pitsaanerusumik pilersaarusiorsinnaanermut tunngaviliisussat. Saniatigullu misilittakkat ilarpassui ulluinnarni atuartitsinermut ingerlateqqinneqarsinnaapput minnerunngitsumik avinngarusimasumiit atuartitsinermut atatillugit, taanaammammi ineriartortissallugu tunaartarilluinnagarput.