Atualerneq ikiortit sassartaartut iluaqutigilluarlugit

Marlunngornermi ulloq 4. august Aggo Rosing Olsen Ilulissani ikiorteqatini tallimaasut peqatigalugit Atuarfik Mathias Storchip majuartarfissuata saanut sassarpoq. Majuartarfinni issiapput illoqarfinni atuarfinni marlunni ilinniartitsisuusut 80-it. Oqallittullu uummaarerpaloqaat illuaqqatik, piniarsimanitik coronalu oqallisigalugit. Ullormi tassaavoq feeriarnerup kingorna ulluinnaq atuarfimmiinneq siulleq. Ullunilu tulliuttuni ikiortit ulapittussaapput ili niartitsiso-qatitik workshopertillugit.

Ikiortillu 6-iusut ilinniartitsisoqatiminnit ullormik ataatsimik siulliullutik suliartorsimapput. Zoom-ilu aqqutigalugu Kompassiminngaarnersoq Jakob ataatsimeeqatigaat. Taannami workshopertitsinissamik piareersaassissuiortuusimavoq ikiortit ilinniartitsisoqatiminnut ingerlassassaannik ilaatigut Pages atorlugu ebog-iliortitsinermik imaqartussaamik. Ikiortillu suliassat misilerarpaat, Jakobilu isummersoqatigalugu, isumaqatigiissutigivaallu workshopertitsineq qanoq iluseqartumik ingerlanneqassasoq ikortillu ilinniartitsisoqatitik qanoq nutaanik periarfissanik ilinniartissagaat. Ilaatigullu illinniartitsissutissat ikortit imminneq naleqqussarlugit piareersaapput.  

Ikiortit workshoppertitsipput

Taava marlunngornermi ilinniartitsisut majaratarfissuarmi issiasut atuagassaannik agguaassivigineqarlutik tuniorarneqarput. Ullormilu attaveqaatit ajornartorsiortitsipput, Airdrop misilippaat. Piffissaq ingerlavoq naggataatigulli suut tamarmik iluarsipput. Aallarteqqaarneq imaannaanngilaartoq. ”Tunuatungaani” Jakob Larsilu Kompassimeersut ikiuisariaqarsinnaanermut piareersimapput. Taamallu ikiortit ilinniartitsilerput kompassimeersut ”tunuminni” piareersimasoralugit. Jakob Ilulissaneeqataasussaagaluarpoq corona peqqutigalugu killiulersuinerit peqqutigalugit takkussinnaajunnaarnikuuvoq.

Taamaattumik ikiortit sassartitertuupput. Tamannalumi aamma Kivitsisami ilaatigut siunertaavoq – tassa ikortit ilinniartitsisoqatiminnik ilinniartitsissasut, tamannalu tassa pisariaqartitsineq peqqutigalugu timitalerneqareerpoq.

“Toqqissisimanarpoq Jakob Larsilu tunutsinniittoralugit, ikiortariaqasagutta piareersimallutik. Sassartaartuunermi suli sungiusimannginnatsigu, Aggo oqarpoq.

Ikiortit naatsukullannik saqqummiussuipput atuagarlu agguaanneqartoq tunngavigalugu ilinniartitsisoqatitik suliassittaarlugit. Keynote-imi isiginnaagassiaaraliorput, Garageband atorlugu nipi atorluguimmiussamikm tusarnaagassiorlutik naggataatigullu suliatik taaneqartut Pages-imi katiterlugit.

 

Ilinniartitsisut ilaat ikiorneqartariaqarput allalli iPadsinik atuiuarnikut ajornartorsiuteqaratik sulillutik, tassa namminersorsinnaallutik sulillutik.  Allalli sungiussisimanngitsut annertuumik ikiortariqaartarput. Ikiortit ilinniarsimasaminnik atorluaasariaqarput ulapeqalutillu ikiuillutik angalaqattaarlutik.

Ulloq naammat ikiortit qasoqaat. Ilami sassartaartuulluni sulineq imaannangitsuuvoq. Ingamillu teknikitaa ajornartsorsiortitsigaangat tamaviaarnartarpoq aammaml ilinniartitsisut piginnaasamikkut nikinganerat assoroornarsinnaasuummat ingammillu workshopertitsineq immineq sungiulluarsimanngikkaanni.

Immineq atuartitsinermi ilisimalersimasat atortariaqartorujussuupput

Aqaguani ullup siuliani ilikkarsimasat atorneqartussanngorput. Ilinniartitsisut imminneq ebog-iliussapput, atuartitsinerminni atorsinnaasassaminnik. Taamallu namminersortitaallutik sulilerput ilaatigut allaat ikiortit pisariaqartinneqanngitsutut misigisimalersittarlugit.  Ulappupput atortussanik sanaartorlutik. Ippassaammallu ilikkakkat iluaqutaangaarput. Ilinniartitsisut soqutiginnilluarlutik tunniusimalluarlutillu sulipput. Ikiortillu angalaarujoortarlutik ikorfartuillutillu isumassanik tunniussuipput taamatut iliornikkut suliarineqartut suli pitsaanerulersikkumallugit. Soorluli ulluinnarni aamma taamatut sulisoqartartoq.

Atuarfiup aallartisimalernerani Aggo kingumut qiviarluni killiffissiuivoq. “Malugisinnaavara ikiortit suleqatitsinnit atorneqarnerulersut. Imaassinnaavoq tassani siusinnerusukkut workshopertitsineq iluaqutaalluni “nipilersoqataasoq”. Aammali peqqutaanngitsuunngilaq maanna Kivitsisa sivisungaatsiartumik ingerlannikuuleratsigu. Ikiugassaattami Ilisarisimanerulernikuuaatigut qanorlu atussalluta ilikkar erunikuullugu. Ullorsiutikka suliassanik allattuiffioreeqaat. Soorlu assersuutigalugu aqagu suleqatiga piareersarneranik ikiussavara rallimanngorpallu klassianukaqataassallunga atuartitsineranik ikorfartoriartorlugu”.

Aggo aperineqarami ulluni marlunni workshopernermi suut ilikkarsimanerai, akivoq: ”Workshopertitsineq imaannaanngitsuuvoq, taamaattumillu Kompasip imarisaasussanik ilusissaanillu pilersaarusiuussinera pingaartuullunilu pisariaqartuuvoq. Sisivunerusumilli piareersaqatigiissinnaasimagaluarpugut, taamaattumik tullissaani ilisarititsineq workshopilu ullualunnguanik akunneqartinneqartariaqarput. Pisumili matumani tamanna periarfissaqarsimanngilaq. Aamma imaassinnaavoq ilinniartitsisut piginnaasaat aallaavigalugit agguataarneqarsimasinnaagaluartut. Kisianni ingerlanneqartoq toqqisisimanarlunilu soqutiginartuuvoq. Suleqaterpassuagut aamma taamatut unnersiorput aammalu malugisinnaavarput ingerlanneqartoq ulluinnarnut eqeersaataalluarsimasoq. Arlalippassuillu saaffiginnipput iPadsip atuartitsinermi atornissaannik ikioqqullutik atuartitsineq atuartunit suliqataaffigiumaneqarnerusoq angujumallugu. Ila nuanneqaaq”.   

Workshopit matumani pineqartumut assingusut atualernerup allartinneranit sapaatip akunnerani siullermi, Qasigiannguani, Qeqertarsuarmi Kangaatsiamilu ingerlanneqarput. Soorlu assersuurtigalugu Qasigiannguani attaveqaatit ajorput, ima ajortigalutik Larsi Zoomikkut peqataasinnaani. Taarsiullugu videoliaaqqanik 10-nik sanasimavoq, taakkulu sumiiffimmi ikortimit Mariemit ullup ingerlanerani atorluarneqarput. Kingusinnerusukkullu Aasianni workshopertitsisoqassaaq, kingornalu qularnanngitsumik kommuni allani aamma ingerlatsisoqarumaarlunittaaq. Kivitsisamimi suleqatigiinnermi misilittagarilikkat kommunit akornanni aamma pissarsiaritinneqassapput.

Kan du lide nyheden?

Share on facebook
Del på Facebook
Share on twitter
Del på Twitter
Share on linkedin
Del på Linkdin
Scroll to Top