Showbie-kkut utertitsilluni qisuariaateqartarneq

Atuartitsitsinerup nalilersornissaa pitsaasumik ingerlaqqissinnaanissamut pingaaruteqartorujussuuvoq tamannalumi Atuarfitsialami qitiulluinnartuuvoq. Atuartitsinernut atatillugu aqqutaani nalilersuisarnerit pilersaarusioqqinnissanut ingerlatsinissanullu tulliuttunut aqqutissiuussisussaapput.

Kivitsisami anguniarpagut atuarfiit, pilersitsisinnaasunik uummaarissunillu atuartullit. Tassani atuartut imminneq peqataaffigalugit akuliusimaffigaat misissuinerit, pilersitsinerit aammalu saqqummiussinerit. Taamatullu sulinermi suli ingerlaavartumik qisuariaatit immersuinerillu suli pingaaruteqarnerusuupput.

 

Taamaattumik siammartiterut Showbie atugarivarput. Tassuunami atuartut ilinniartitsisuminnit suliassiissutinik atortussaminnillu nassiussuiffigineqarlutik tigooqqaasinnaapput. Suliatillu utertillugit nassiussinnaavaat assigiinngitsunillu qisuariaateqarfigitissinnaallugit – allakkatut, nipitut aamma/imal. suliartaani allattukkatut. Taamatut sulinermi suliat uterteqattaarneqarlutik suleqatigiissutigineqarsinnaapput. 

 

Tamannali tikitsinnagu sakkussat qanoq atornissaat ilikkaqqaartariaqarput. Taamaattumik naqitaaraliornikuuvugut ilitsersuutitalinnik.

Kompasip pineqartoq suliarinikuuaa kingusinnerusukkullu taanna tunngavigalugu ikiortinut workshpertitsinerit ingerlassimallugit, ilinniartitsisoqatiminnik ilitsersuisinnaaleqqullugit.

Naqitaaraliaq pineqartoq ataani tuugassaq toorlugu saqqummersillugu atuarneqarlunilu aaneqarsinnaavoq. Tassanilu aamma Showbiep qanoq atornissaa takusinnaavat takullugu aamma qanoq iliorlutit digitalimik ”atuartitsiviulersinnaallutit” qanorlu atuartunut suliassanik siammartiterisinnaallutit. Kiisalu tassani aamma Feedbackimut (utertitsilluni qisuariaateqarnermut) atatillugu isumassarsiorsinnaavutit takullugit suliat qanoq nalilersorlugit sulisinnaanerlutit.

Showbie aamma Angusakka

Meeqqat atuarfianni nalilersueriaaseq pingaaruteqartoq immikkuullarissorlu tassaavoq Angusakka.

Uani ataani videomi takusinnaavarsi Kommuneqarfik Sermersuumi læringskonsulentinit Magdalenemit aamma Mikkelinimit videot suliaasut.

Tassani takuneqarsinnaavoq qanoq ukiumut affakkaartumik Angusakkartoqarnerani Showbie atorneqarsinnaanersoq.

“Sulianik katersivik” digitaaliusoq Angusakkap quppersagaanut ilaasoq atorneqarsinnaavoq.

Tassani atuartut ilinniartitsisullu namminneq atuartup suliaanik toqqartuisinnaapput toqqorterillutillu.

Kan du lide nyheden?

Share on facebook
Del på Facebook
Share on twitter
Del på Twitter
Share on linkedin
Del på Linkdin
Scroll to Top