Ikiortit Naapiffik 2020: Init timitalimmik isersimasarfiit digitaliusullu akornanni ingerlanerit

All.: Rune Nydam Bundgaard, Kommunit ataatsimoorullugu ingerlataanni ”Kivitsisa”-mi ingerlatsinermut pisortaq.

“Tusaasinnaavisinga?” “Kan I høre mig?”. Kiinarpassuit skærmikkut nuerarput. Katillugit 78-iusut. Imminnut ilisarerrapput. Ilassiorput illarlutillu. Taava højtalerikkut nipi takkuppoq. Suullu tamarmik nipaallipput, nipangerlutillu. Peqataasussat aggulunneqarput, taamallu atuartut atuarfinnit assigiinngitsuneersut imminnut takusinnaalerlutik naapillutik..

Eqimmattat arlaanni ilinniartitsisoq Nanortalimminngaanneersuvoq, ataaseq Aasianneersuulluni, ataaseq Tasiilaminngaanneersuulluni kiisalu ataaseq ilinniartitsisunngorniarfimmeersuulluni. Taaneqartut tamarmik tassaapput atuarfim- minni ”Ikiortiusut. Suliakkerneqarsimapput, tassalu akunnerminni ikiortitut misilittakkaminnik oqaluttuutilerlutik. Eqqattorpaat ilistsersuinerit qanoq ingerlanneqartartut aammalu suleqatinut workshopertitsinerit qanoq ilusilerneqartartut – katersuuffiallu tassavoq Kivitsisap iluatsilluartumik ingerlanissaanik isumannaarinneqatigiinnissaq.

Naapiffik coronamit aporfississorneqartoq

Ingerlanneqartut ilaat ataaseq amerlasuut akornanni Ikiortit Naapiffik 2020-imi imatut ingerlanne- qarpoq. Ukiup siuliani Kangerlussuarmi naapippugut. Ukioq mannali taamatut iliorsinnaanngilagut, corana pillugu killilersuutit tamatumunnga ajornartitsimmata, kommunit killeqarfii qaangerneqaqqu-saanngimmata. Taamaattumik ikiortit kommunikkuutaarlutik naapipput, kommunini makkunani: Qaqortoq, Nuuk, Sisimiut, Aasiaat aamma Ilulissat. Kompas-imiillu siunnersortit tallimaasut akornanni ataaseq Nuummi ingerlanneqartumi peqataavoq.

Taamallu avinngarusimasumiit ataatstimeersuartitsinerit naapeqatigiilluni ingerlatsinernit allatorujussuaq aaqqissuussaasumik ingerlanneqartariaqarput. Kommunikkaartumik ikiortit sumiiffimminni ataatsimoorlutik inimeeqatigiipput taamaammallu toqqamik suleqatigiissinnaallutik. Ilaatigooriarlutalu assitalerlugu skærmikkut immitsinnut isigisinnaasarpugut. Allat iPaditik atorlugit peqataapput. Ilaatigooriarlutik kommunimi ataasiakkaartuni issiasut siunnersortilu imminnut isigisinnaasarput. Qanorlu ataatsimiinnissarput aaqqissorneqarpoq suut ataasiakkaat qanoq ilinniutigitinneqarlutik ingerlanneqarnissaat apeqqutaatillugu.

Kivitsisa ingerlanneqartumut ataatsimut eqikkarlugu

Ikiortit Naapiffik ukiorpaaalunni Kivitsisap ingerlannerani qitiutinneqarpoq: Suleqatigiinneq, ilinniartoqarfiit, kommunit atuarfiillu akimorlugit ataatsimik siunnerfilerlugu suleqatigiissutaasoq, ingerlanneqartorlu soqutiginartumik, misissuinertalerlugu misileraanertalerlugulu pipput, ilinniarlugu digitaliusumik ilinniartitsineq akuneqarsinnaammat.

“Sungiusaatinik arlaqartunik ingerlataqarpugut angerlarsimaffinni aammalu atuarfinni suleqatinnut isumassarsiortitsissutigisinnaasannik”.
Najannguaq Olsen, ikiorti, Atuarfik Mathias Storch, Ilulissat

Akimut suleqatigiinneq

Kivitsisami qitiuvoq suleqatigiinnissaq. Taamaattumik Ikiortit Naapiffik ingerlanneqarmat nunatsinni atuarfinni amerlanerpaani ilinniartitsisut peqataapput aammali Ilinniartitsisunngorniar- fimmeersut siunnesortillu Ilinniartitaanermut Aqutsisoqarfimmeersut peqataallutik. Taamallu toqqaannartumik ataatsimuunngikkaluarluni attaveqaqatigiinnerit misilittakkallu akunnermi saqqummiussorneqarput.

Naapiffiup ingerlanneqarnerani naapipput ilinniartitsisut, maanna ukiorpaalunngortuni iPadsimik atuinermik misilittagqalersimasut aammalu allat suli iPadsinik pissarsisimanngitsut, pisaarnissa- minnullu qilanaarlutillu pissangasut. IPadsinimmi agguaaffigineqarput sumiiffiit internetsikkut pitsaanngorsaaffigineqarsimaneri ilutigalugit – siuariartorporlumi. Taamaattumik kommunini nuannattoqarpoq, ingerlanneqartumik aqutsisoq Rune Bundgaard aallarniiinermini oqaluttuarmat maanna nunatsinni atuartut 90%-ii Kivitsisamut atatillugu iPadsinik tunineqarsimalersut. Sulili nunaqarfiit makkunaniittut amigaatigineqarput: Upernavik, Østkysten aamma Qaanaaq. Sunili tamani tamatuma iluatsissinnaalernissaa tamaviaarutigineqarpoq.

Piginnaaninngorsaaneq

Kivitsisami ilinniartitsinerit tamarmiusut assigiimmik aallaveqartinneqarput apeqqutaatinnagu pineqartut atuartuunersut ilinniartitsisuunersulluunniit: “Kinami suliaqartoq ilikkariartortarpoq”. Periuseq taanna aamma atorneqarpoq Naapiffik Workshopertitsimmat. Ikiortillu tassani akuulluartussaapput pilersitsiortorlutillu – soorlu atuarfinni atuartut aamma taamaattussaasut.

Piffissap annertunersaani Ikiortit imminneq sulipput, suliassat naammassiniarsaralugit. Suullu tamaasa aqqusaartorpagut, sungiusarnerit it-mullu atatillugu ilinniartitseriaasissat iPadillu siammasinnerusumik atornissaa sammillugit, taakku suleqatinut siunnersuinissami atornissaat sungiusarlugit taamallu atuarfiit allarluinnanngornissaannut aqqutissiueqataalernissaq aallun- neqarluni. Taamallu sulinermi oqariartuut imaattoq qulequtarineqartuarpoq: ”Ilikkagaqassanngilatit allanut ingerlateqqinnianngisannik”. Taamaattumik atuarfiit akornanni oqaloqatigiinnerit ingerlanneqartuarput suullu tamarmik Showpiemut Ikortillu imminneq saqqummiussuisarfiliaannut toqqorterneqarlutik, taamatut iliornikkut akunnerminni isummersorfissiaralugillu atugassiaralugit. . Oqariartuullumi qulequtarineqartoq erseqqilluinnarpoq. Tassami Ikiortit suliaat ilikkagaallu suulluun-niit, kingornatigut suleqatinut atuarfinnullu iluaqutissanngorlugit ingerlateqqinneqassapput.

“Ikiortit naapillugit pissarsiaqarnaqaaq taakkulu peqatigalugit eqqartorlugit unamminartortaasut aammalu misilittagarineqalersimasut, maani uanga illoqarfinni aammali illoqarfinni allani”.
Bikki, ASK-imi Nuummi ikiorti oqaluttuarpoq.

Ilinniartitsinermi digitaaliusutut ingerlanneqartut.

Kivitsisap tungaanit atuarfinnut avinngarusimasuniit ilinniartitsinissaq annertuunik angusaqarfigerusupparput
Piffissallu sivisuup iluani webinarit atorlugit ikiortinik piginnaaninngorsaanerit ingerlatereerpagut, Naapiffiullu ingerlanerani paasinarsivoq, taamatut iliornerit marlunnik angusaqarfiusimasut: Siuller- tut paasivarput avinngarusimasumiit atuartitsineq atorneqarsinnaasoq aappaattullu paasillugu Ikiortit taaneqartutut peqataaneq ilikkarsimagaat.

Naapiffiup ingerlannerata ilusilerneqarnera naammagisimaarparput, Ilami seqersitsivissut atorlugu skærmersuarmut assitaliussuinerit issiaannarluni sivisuumik isiginnaagaqarnissaq kajungernan-ngilaq. Taamaattumik pitsaalluinnarpoq Kompasimi siunnersortit suliassanik naatsunik erseqqaarissunillu tunniussuisarmata, nammineq naammassiniagassatsinnik. Pitsaasuuvorlu taakku akunnattoorfeqassagaluarutta ikiuinissaminnut piareersimajuarnerat. Taamatummi sulineq uagut aamma atuartunut suleriaaseriniaratsigu.”

Karl Otto, Avannaata Kommuniani ilinniartitsinermut siunnersorti.

Internetsilu eqqarsaatigalugu? Sulilluarpoq!

Naapiffik pitinnagu ernummatsit annersarisimavaat internetsip ataatsimeersuartitsineq ajornartor- siortinnagu nammassinnaaneraa. Marlunngornikkulluni ualikkut Aasiannut attaveqarneq akunnerup aappata affaani ajutoorpoq. Sinneranili ajornartorsiuteqanngingajavippugut. Piffissarujussuullu ingerlasup iluani sumilluunniit teknikkimut tunngasut eqqarsaatiginerluunniit ajorpagut. Aporfeqan-ngitsumimmi atuinnarpagut. Pissutsillu taamaalernerat digitaliusumik atuartitsisinnaanermut pissa-nganartumik ineriartortitsisinnaanermut isumallualersitsipput aqqutissiuussillutillu.

Ikiortit Naapiffik 2020

Ukioq manna Naapiffimmik ingerlatsinermi peqataapput atuarfinnit 24-ineersunit inuit 74-it, Ilinniartitaanermut Aqutsisoqarfimmit siunnersortit aammalu Ilinniaertitsisunngorniarfimmi ilinniartotsisuusut.

Ukioq manna Ikiortit Naapiffik pilersuisooqqippoq Kivitsisa ingerlanneqartorlu Ilinniartitaanermut Aqutsisoqarfimmit aningaasalerneqarpoq.

Kan du lide nyheden?

Share on facebook
Del på Facebook
Share on twitter
Del på Twitter
Share on linkedin
Del på Linkdin
Scroll to Top