Atuartut, ilinniartitsisut ilinniartitsisunngorniartullu tamarmik maanna iserfigisinnaalerpaat Skoletube.
Skoletube naatsumik oqaluttuarissagaanni tassaavoq sakkussaasivik digitaliusoq pissangartorpassuarnik imaqartoq, atuartut isumassarsiorlutik, misissuillutik, pilersitsillutik oqaloqatigiillutillu suleqatigiinneranni atuartitsinerni atorneqarsinnaasunik.
Skoletube tassaavoq sakkussanik digitaliusunik aallerfissiaq. Tassa ilinniartitsinerup qanoq ingerlannissaanut soorlu Cleotulli allanillu iserfigisinnaasatut innani allanerullunili atuartitsinerup qanoq ingerlannissaanut ilinniartitsissusiaanngitsoq. Tassa Skoletube-imiipput programmit atuartut ilanngutinniarlugit atuartitsinermi aaneqarsinnaasunik sakkussiat. Nuannernerusumik soqutiginar-nerusumillu suleqatigiilluni ilinniartitsinissamut periarfissanik imaqarpoq, programeqarluni filmilior-nissamut, digitaliusunik atuakkiornissanut, podcastiliornissanut, ilisarititsissusiornissanut allarpas-suarnullu atorneqarsinnaasunik.
Skoletube 22-inik assigiinngitsunik programinik imaqarpoq. Tamakku ilaat apps-itut aaeqarsinnaapput, ilaallu Safarikkut atorneqarsinnaasuliaallutik. Apps-illu aasinnaasat Self Service imiilereernikuupput. Skoletube sakkussanut ”karsiani” ittut iserfiginiaraanni Unilogin-erisaq atussaaq.
Skoletube pisiarineqarnikuuvoq suleqatigiilluni, tassani peqataallutik ATTAT, Ilinniartitsinermut aqutsisoqarfik aammalu Kivitsisa.
Allornerit ataasiakkaarlugit
Pissanganarlunilu takorlooruminnaasinnaavoq ammagaq 22-inik programeqartoq takullugu, taamaattumik siunnersuutigaarput sakkussanik ataasiakkaaraluni misiliortuisarnissaq. Tassa siunnersuutiginartinngilarput programit 22-iusut ataatsikkut aaneqarnissaat. Atorfissaqartitsileraangavit atorusutatit aasakkit atuartullu peqatigalugit aasarsi misilittartarlugu ilin- niarlugu. Aamma isumassarsiatsialaassaartaaq aasaq ataaseq fagini assigiinngitsuni atorneqartassappat. Tamannami atuartunut ilinniartitsisunullu oqilisaataassammat.
Ikiuisinnaasoqarpoq
Piffissap sivikitsup ingerlanerani Kivitsisamit skoletube piginnaaneqarluarfigilissavarput, taamallu siunnersuisoriniarluta saaffigineqarsinnaalissalluta. Aammalu aprilimi webseminarinik arlaqartunik ingerlatitsissaagut, peqataaffigiumallugit qinnuteqarfigineqarsinnaasunik. Webinarini sakkussat taaneqartut arlaqartut sammissavagut, taakkulu aqqutigalugit atuartitsininni qanoq atorsinnaaberi ilikkassavatit.
Skoletube aamma programminut tamanut ilinniusersugaavoq. Takkulu qallunaatut allataapput, videortaalu paasiuminartuupput, allaat nipitalinngikkaluarlugit paasineqarsinnaallutik.
Imatut aallartissaatit
Misissuataarisinnaavutit iserfigalugit skoletube.dk aammalu app Skoletube, iserfigisinnaavatillu Self Service (imminut sullississut) atorlugu. Sakkussat taakkartorneqartut nassaarisinnaavatit aappaluaartoq ataani talerpiata tungaani +ertalik toorlugu.
Skoletubeapp-imut aalllarniutitut ilisarititsissut
Sakkussatut aaneqarsinnaasut ilaamerngi
Skoletube-imi programmini assersuutit matumani pillugit atuaasinnaavutit:
Pixton
Pixton atorlugu faginut trininullu tamanut titartakkanik sanasoqarsinnaavoq. Oqaluttuat ingerlaneri takussutissiarineqarsinnaapput, oqaatsinik pinnguartoqarsinnaalluni, matematikimut atatillugu oqaluttualiortoqarsinnaalluni allarpassuarnillu sanasoqarsinnaalluni.
Periafissat amerlaqaat! Nammmineq assilisat atorneqarsinnaapput taamallu iliorluni takorluukkat piviusullu atuartunut alutornartumik imminut ”tasiortunngortinneqarsinnaallutik”. Allaammi atuartut imminneq avatar-iliorsinnaapput oqaluttualiaminnilu immineq pingaarnertut inuttanngortissinnaal-llutik.
Pixton Safarikkut ammarneqarsinnaavoq, nassaarineqarsinnaallunilu Skoletube.dk aqqutigalugu.
Thinglink
Sakkussiaavoq soqutiginarluinnartoq assinik, allatanik, nipinik videonillu ingerlatitseqqiissutaasin-naasoq. Thinglink atorlugu pilersissinnaavasi suut interaktiviusut multimodale-usullu. Ilitsersuusiorsinnaavusi, infografik-iliorlusi, ilisarititsissusiorlusi, slideshow-iliorlusi, VR-iliorsinnaal-lusi allarpassuarnillu. Soorlu assersuutigalugu assinik kaajallatsitanik (360 gradiusunik) sanasin-naavusi. Sakkussiaq pineqartoq fagini tamani trinilu tamani atorneqarsinnaavoq.
Thinglink appitut aammalu Safarimi Skoletube.dk aqqutigalugu pissarsiarineqarsinnaavoq.
AhaSlides
AhaSlides atorlugu interaktiviusunik ilisarititsissusiorsinnaavutit, tassani atuartut akunnerminni uummaarissumik attaveqarlutik peqatigiillutik suliuarsinnaallutik.
Apeqqutit akiortorneqarsinnaapput, nalorsitsaarisoqarsinnaalluni allarpassuarnillu ingerlatsisoqarsinnaalluni. Aliikkusersuutaalluartumik atuartut nipaat tusartinneqarsinnaapput taamallu atuartut amerlasuut ataatsikkut peqatigiissinnaallutik.
Aha-slides klassimi atorneqarsinnaavoq aammalu avinngarusimasumiit atuartitsinermi atugassaq-qissuulluni.
Stop motion studio
Aalasunik pilersitsineq nuannerineqartuuvoq assigiinngitsorpassuarnilu atorneqarsinnaalluni. Tassanilu Stop Motion Studio killeqanngiusattunik periarfissaqartitsivoq.
Takorannersunik matematikimut atatillugu suliaqartoqarsinnaavoq, oqaatsinik sungiusartoqarsinnaalluni imal. atuarsimasanik oqaluttuarinninnerni atugassaqqissuulluni. Ilami periarfissat amerlaqaat. Stop Motion app-itut Self Service aqqutigalugu aaneqarsinnaavoq.
Wevideo
Tupinnanngitsumik Wevideo videolianik katiterinermut sakkussiani nuannarineqarnerpaanut ilaavoq. Tassanimi videot nipitaallu nuannerluinnartunngorlugit suliarineqarsinnaapput. Wevideolu atoruminartuuvoq atuartunillu minnerpaanit allaat atorneqarsinnaalluni.
Misiliguk misilittarlugit nipilersuutit, nipit videollu aaneqarsinnaasut taamaallu siammasissorujus-suarmik suliarinnissinnaanermut ammaassisuusut.
Book Creator
Book Creator maanna marlunnik assigiinngitsunik tunngaveqalernikuuvoq, tassa app-itut online-itullu.
Book Creator app amerlasuunit ilisimaneqarlunilu atorneqalereernikuuvoq. Suliat Ipadimut toqqoreqartarput tassanilu taamaallaat takuneqarsinnaallutik.
Book Creator online ammarneqarsinnaavoq Safarikkut Skoletube.dk aqqutigalugu. Book Creator online-imik atorneqassatillugu ilinniartitsisup taassuma bibliotekia ammartarpaa, tassanilu atuartut sulisarput ilinniartitsisumit malittarineqarsinnaallutik. Book Creator online atuartut suleqatigiillutik sulineranni atugassaqqissuuvoq.
