NUTAALIORTA
KIVITSISAMUT ATUARTITSISSUTISSAT
Nutaaliorta tassaapput trininut meeqqallu atuarfianni faginut tamanut atuartitsissutissiatut sanaat nutaat. Taakku Kivitsisamut atasumik inerisagaapput aaneqarsinnaalissallutillu nutaaliorta.gl aqqutigalugu 2022-imi junip qaammataaniit.
Nutaaliortami atuartitsinerit aqqutigalugit atuartut misissuinissamut, suliarinninnissamut ingerlatitseqqiinissamullu iPadsit atorlugit uummaarissumik kajungernartumillu sulisarnissaat anguniarneqarpoq. Taakkulu ilinniartitsisunut ilitsersuutinik ilaqassapput, taamatullu atoruminarsagaallutik.
Augustusip qaammataani webinarit arlartut Nutaaliorta ilisaritillugu ingerlanneqassapput, taamatut iliornikkut atuarneq aallartippat pineqartoq aallaqqaataaniilli atorneqarsinnaanias-sammat.
Nutaaliorta ilinniartitsisunit inerisagaavoq suleqatigalugit eqqumiitsuliortut, ingerlatsiviit suliffeqarfiillu makkuusut: Visit Greenland, Isfjordscentret, Kalaallit Nunaanni Timersoqatigiit Kattuffiat (GIF), sumiffimmi eqqumiitsuliortut pingasut, meeeqqanut atuakkiortoq il.il.
Nutaaliorta timitalerneqassaaq OAK Foundation Denmark aningaasaliisoralugu.
Neriuppugut atuartitsissutissat tikilluaqqulluarumaarisi!
NASSAARSIULLAMMASSATUT ILINNIARNEQ
Atuartitsissutissat pingasut eqqumiitsuliortut, pissarsiassat inuusaatsillu aallaavigalugit suliaasut. Atuartut kalaallinit eqqumiitsuliortunit pikkorissunit pingasunit nassaarsiullamassatut sungiu-sarneqassapput, makku aallaavigalugit: collage (qiortakkat assilialiat), assiliineq aallaavigalugu eqqumiitsuliorneq aammalu assassorluni kusanartuliorneq. Filmi aqqutigalugu atuartut eqqumiitsuliortut suleriaasii eqqarsariartaasiilu takussavaat.
Kingorna namminneq nassaarsiorlutillu pilersitsissapput – tigussaasunik digitaliusunillu.
Atuartitsinermi atugassat immineq qinikkatut atuartitsissutini makkuninnga imaqarput:
- Mesterlære i collage (qiortakkat assilialiat) nukarlernut
- Mesterlære i kunsthåndværk (assassorluni kusanartuliorneq) akullernut
- Mesterlære i fotokunst (assilisat atorlugit eqqumiitsuliorneq) angajullernut
ATUARTUT AJORNARTORSIUTAASINNAASUNIK ”ILAAJAASARTUTUT”
Atuartitsissusiat pingasuusut, immikkut tamarmik piviusumut ulluinnarnilu aporfiusinnaasut atuartut naapittakkamittut ilisarisinnaasaat aallaavigalugit suliaasut, namminneq iliuuseqarnikkut aaqqinniarsinnaasaat. Filmi atorlugu atuartut ajornartorsiutinut pulatertinneqassapput kingorna namminneq nassaarsiorlutillu isummersorfigisassaannik digitaliusumik misissuillutik, ingerlateqqitassanngorlugit suliarisassaminnik.
Ilisarisimannilersitsigut – Fagit akimorlugit nukarlernut atugassiaq ilinniartitsissutinut makkununnga naleqqussagaasoq, kalaallit oqaatsitsinnik, inuiaqatigiinni pissutsinik imminerlu toqqakkanik sammisaqarnerni.
Atuartut meeqqerivinniit atuarfinnut ikaarsaarnissartik ernumanarunnaarsarsinnaavaat atuarfis-sartik pillugu siammasissumik imaqartumik atuagaqarnikkut, taannalu sumiiffinni atualersussanut tamanut ilisaritinneqassaaq.
Atuarfik uninngaannartuunngitsoq – fagit akimolugit akullernut atugassiaq faginut ukununnga naleqqussagaasoq: kalaallisut oqaatsigut, immineq toqqakkat, matematik aamma naturfagit.
Tassani Kalaallit Nunaanni Timersoqatigiit Kattuffiannit atuartut ikiortiserineqarput atuarfik, aalaneq aallaavigalugu sammisaqarnermut naapiffinngortikkumallugu, tamakkulu iluini periarfiusinnaasut atuartut imminneq ujartussavaat. Timimik atuilluni iliuuserisinnaasat videoliaaqqat atorlugit takutissorneqassapput kortiliaq atorlugu, taannalu atuarfiit tamarmik iserfigisinnaassavaat.
Illoqarfipput tikeraaruk – fagit akimorlugit atuartunut angajullernut atugassiaq, makku fagit samminerini: Kalallit oqaatsivut, tuluit oqaasii, qallunaat oqaasii, inuiaqatigiinni pissutsit, naturfagit aammalu matematik.
Visit Greenlandip piujuaannartitsineq tunngavigalugu illoqarfinnik pilkersitsiniarluni suliaqarneranut atatillugu, atuartut suleqatisiarineqassapput illoqarfimminnik inerisaanissamut, misigisassanik pilersitsillutik aammalu takornarianut suliatik ussassaarusiuutissallugit.
BOOK CREATORIMUT ILUSILERSUUTISSAT SOQUTIGINARTUT
Skoletube-ip digitaliusumik sakkuusivianut Book Creatorimut
atugassanik allanngortiterne-qarsinnaasunik ilusilersuutissanik inerisaasoqassaaq. Taakku atuarnerup ingerlannera tamaat atorneqarsinnaassapput
aallavigineqarpullu fagini assigiinngitsuni ilinniartitsissutit
assigiin-ngitsut. Ilusilersuutissat arlaqartut pilersinneqassapput taamaattulerisartut avataaneersut suleqatigalugit.
Ilusilersuutissat taaneqartut atuartut Ipad atorlugu digitalimik sulisarnerannut naleqqussagaapput multimodaleusumik (nipit, assit, allatallu suleqatigiissillugit) ingerlatitseqqiisarnermut ilanngussatut.
Taaneqartut atuarfimmi ilinniartitsissutaasunut tamanut ulluinnarni atuartitsinerni atorne-qarsinnaasuussapput.
Ilusilersuutissatullu inerisagaasut aaqqissuussaapput suliareqqillugit allanngortiterneqarsinnaasunngorlugit taamallu ilinniartitsissutini sammisanilu allani aamma atorneqarsinnaasunngorlugit.
