Ukiamullu Kivitsisamit ilinniartitsissutinut atatillugu webinarit nangillugit ingerlateqqilissavagut. Taakkunani isumassarsiorlutillu soqutiginartumik atuartuutinnik atuartitsinissamut atorsinnaasannik pissarsillutit aallersinnaavutit.
Peqataaguit isumassarsiffissannik sakkussannillu pissarsissaatit, naammassiguit aqaguaniit atuartitsininni atorsinnaasannik: Ullumikkiut ilinniagaqarit – aqagulu atorlugit!
Ukioq mannalu pikkorissaanerit makku peqataaffiginiarsinnaavatit, pikkorissaanerit immikkut tamarmik akunnernik 4×1,5-inik sivisussuseqartut:
Kalaallit oaasiinik ilinniartitsineq
Pinngortitsisinnaanerit trininut tamanut sammisut
Nukarlernik akullernillu qallunaatoortitsinerit
Akullernik angajullernillu tuluttoortitsinerit
Akullernut angajullernullu naturfagertitsinerit
Ukioq naallugu matematikkimik pikkorissaaneq
Tulliuttuni pikkorissaanissat assigiinngitsut paasiniaaffigisinnaavatit ilaaniarlutillu nalunaarsinnaallutit.
Kalallit oqaasiinik ilinniartitsineq
Webinarerertitsinerni sisamaasuni trin 1 aamma 2-mi kalaallisut ilinniartitsinermut atasumik nutaanik ilisimasaqalissaatit isumassarsiornissannullu immersorneqassallutit. Atuagassiat tunngavigalugit ilinniassavat ammasunik apeqqusiorneq, atuartut sammisaqartinnissaannut atugassat. Webinarertitsinerni qitiutinneqassapput atuarsinnaaneq, allassinnaaneq, oqaloqataa-sinnaaneq oqaatsillu atorlugit ingerlanneqarsinnaasut allat. Kiisalu ilinniassavat Ipadsip saqqummiussaqarniarnerni atorneqarsinnaanera.
Ilinniartitsisuussapput: Maren Louise Dalager, Ilinniartitsinermut Aqutsisoqarfimmi siunnersorti. Taassuma sammissavai sungiusaatit nammassinerup kingorna aqaguaniit atorsinnaasasi.
Webinarit ingerlanneqassapput nal. 13.45 -15.15
Avannaata, Kujalleq og Qeqertalik
Marlunngorneq ulloq 6/9 (modul 1), marlunngorneq ulloq 13/9 (modul 2), ataasinngorneq ulloq 3/10 (modul 3) aammalu marlunngorneq ulloq 17/10 (modul 4)
Qeqqata aamma Sermersooq
Sisamanngorneq ulloq 8/9(modul 1), sisamanngorneq ulloq 15/9 (modul 2), pingasunngorneq ulloq 5/10 (modul 3) aammalu pingasunngorneq ulloq 19/10 (modul 4)
Peqataaniarluni nalunaarfissaq toorlugu ilannguttoqarsinnaavoq.
Kalaallisut ingerlanneqassaaq.
Nassaarsiorluni pinngortitsineq trininut tamanut
Isumassarsiorfigerusuppiuk qanoq iliorluni pinngorartitsinermi ilusilersuinermilu aammalu/imaluunniit assassornermi allatullu ilusilersuinermi, iliniartitsisinnaanerit, taava taakku pillugit pikkorissaanissaq peqataaffiginiariuk.
Atuartut isummeersuutiminnik timitaaliniarnerminni nassaarsiorsinnaanertik atussavaat pilersinniakkatillu digitaliusumik imal. tigussaanerusumik tunngaveqarlutik misilittarlugit. Uagut ilinniartitsissavatsigit tamakku qanoq ingerlassinnaagitit.
Pikkorissarneq naggaserlugu ilinniassavat paasillugulu qanoq pinngortitseriaatsit assigiinngitsut nalilersorneqarsinnaasut.
Ilinniartitsisuussapput Ivaaq Kriegel aammalu Ivalo Abelsen ilinniartitsisunngorniartunik ilinniartitsisuusut. Ivaaq ilinniartitsutut ilinniarnikuuvoq IKTmi Inuiaqatigiilerinermullu sammisunik Masteriulluni. Ivalu aamma ilinniartitsisutut ilinniarnikuuvoqp iorsarsimassutsimmullu aammalu inuiaqatigiilerinermut sammisuni Cand. Mag-illuni.
Webinarernerit tamarmik ingerlaneqassapput nal. 13.45 -15.15
Ullut:
Avannaata, Kujalleq aamma Qeqertalik
Marlunngorneq ulloq 27/9 (modul 1), Sisamanngorneq ulloq 6/10 (modul 2)
marlunngorneq ulloq 8/11 (modul 3) aammalu marlunngorneq ulloq 15/11 (modul 4)
Qeqqata aamma Sermersooq
Marlunngorneq ulloq 22/9(modul 1), marlunngorneq ulloq 29/9(modul 2)
Marlunngorneq ulloq 10/11(modul 3) aamma marlunngorneq ulloq 17/11(modul 4)
Peqataaniarluni nalunaarfissaq toorlugu ilannguttoqarsinnaavoq.
Oqaatsit atorneqartut: Kalaallisut aamma qallunaatut
Akullernut angajullernullu tuluttut atuartitsineq
iPadsimik tuluttoortitsinermi soqutiginarnerusumik atuisinnaaneq pikkorinneruffigilerusuppiuk?
Webinarit sisamat ingerlanerini periarfissanik nutaanik, isumassarsiorfissanik atortussanillu klassini atuartitsinerni atorsinnasannik pissarsiortussaatit.
Ilinniartitsisorissavatit Sabine Christiansen aamma Frej Rasmussen, ilinniartitsisunngorniartunut tuluttut ilinniartitsisartut kiisalu aamma ilinniartitsisuussaaq Odder Kommunimi it-imik atuinissamik ilinniartitsisartuusoq Kompasimilu siunnersortaasoq.
Atuartunik sulisitsillunilu attaveqariaaseq aallaavigalugit ilinniartitseriutsinik ilisarititsissapput qiteralugu iPadsit atorlugit tuluttut ilinniartitsinissaq, tassanilu oqaatsinik atuartitsinermi piginnaaneqarfigisassat sisamaasut sammineqassapput: Atuarneq, naalaarsinnaaneq, allanneq oqalunnerlu.
Webinaarertitsinerit tamarmik ingerlanneqartassapput nal. 13.45 -15.15
Ullut:
Avannaata, Kujalleq aamma Qeqertalik
Pingasunngorneq ulloq 26/10(modul 1), sisamanngorneq ulloq 3/11(modul 2), ataasinngorneq ulloq 28/11(modul 3) aammalu ataasinngorneq ulloq.5/12(modul 4)
Qeqqata aamma Sermersooq
Marlunngorneq ulloq 25/10 (modul 1), marlunngorneq ulloq 1/11 (modul 2), pingasunngorneq ulloq 30/11 (modul 3) aamma pingasunngorneq ulloq 7/12 (modul 4)
Peqataaniarluni nalunaarfissaq toorlugu ilannguttoqarsinnaavoq.
Oqaatsit atorneqartut: Qallunaat oqaasii
Nukarlernut akullernullu qallunaatoortitsineq
Webinarini sisamaasuni paasisanik nutaanik pissarsissaatit isumassarsillutillu. Webinarertitsinerit qallunaatut atuartitsinermi nukarlernut akullernullu naleqqussagaapput. Peqataaninni iPadip periarfissarpassui misilerassavatit, atuartullu nuannersumik ilikkagaqarnartumillu atuartinnissaannut sakkussarsillutit. Atuartut pinngortitami timertillu atorlugu nutaliiorlutik pinnguarlutillu suliaqassapput, paasisaqarfigissavallu qanoq misissuititsilluni pinngorartitsillunilu atuartitsisoqarsinnaanersoq. Webinarernermi atuartut qanoq pilersitsillutik, saqqummiillutik oqaatsinillu pinnguarlutik atuartinneqarsinnaanersut pissarsiaqarfigiuk.
Webinaarerneq pissaganartikkukku qallunaatoortitsinermilu periutsit nutaat soqutigigukkit peqataagit.
Ilinniartitsisorissavatit Rikke Falkeberg Kofoed aamma Martha Nielsen. Rikke Kivitsisa suleqatigalugu siornatigut webinarertitsisareernikuuvoq pikkorissaasarsimallunilu kiisalu atortussanik Nutaaliortamut sanasarportaaq. Martha ilinniartitsisuuvoq, Ikiortiulluni aammaluu Aasianni Gammeqarfimmiit avinngarusimasumiit atuartitsisarluni.
Ullut:
Avannaata, Qeqertalik, Kujalleq:
Marlunngorneq ulloq. 11/10 (modul 1), marlunngorneq ulloq 18/10 (modul 2), ataasinngorneq ulloq 14/11 (modul 3) aammalu ataasinngorneq ulloq 21/11 (modul 4)
Qeqqata, Sermersooq:
Sisamanngorneq ulloq 13/10 (modul 1), sisamanngorneq ulloq 20/10 (modul 2), pingasunngorneq ulloq 16/11 (modul 3) aammalu pingasunngorneq ulloq 23/11 (modul 4)
Peqataaniarluni nalunaarfissaq toorlugu ilannguttoqarsinnaavoq.
Oqaatsit atorneqartussat: Qallunaat oqaasii
Naturfagit
Tassani webinarertitsinerit sisamaapputtaaq, taakkulu aqqutigalugit naturfagini atuartitsinerni sammititseriaatsit nutaat isumassarsiorfigissavatit. Pikkorissaanermimii allatut nutaaliatut sulisitseriutsinik, misissueriutsinik misilittaariaatsinillu suliaqartinneqassaatit.
Soorlu assilissanik illugiilluni uterteqattaartinneqarsinnaasunik ilisaritsitseriaafsinillu ilinniartitsinneqassaatit atuartut atuartitsissutini atuartinnerinut uummarissaataasussanik aammalu ilinniassallugu titartakkatut ittunik atuartitsissummut naleqquttunik qanoq sanasinnaallutit.
Ilinniartitsisuussaaq Christoffer Dithmer, Vallensbækip Atuarfiani naturfagini ilinniartitsisuusoq Kompasimilu siunnersortaasoq.
Webinarit tamarmiusut ingerlanneqqartassapput nal. 13.45 -15.15
Ullut:
Avannaata, Kujalleq aamma Qeqertalik
Ataasinngorneq ulloq 5/9 (modul 1), pingasunngorneq ulloq 22/9 (modul 2), pingasunngorneq ulloq 12/10 (modul 3) aammalu pingasunngorneq 19/10 (modul 4)
Qeqqata og Sermersooq
Pingasunngorneq ulloq 7/9 (modul 1), marlunngorneq ulloq 20/9 (modul 2), ataasinngorneq 10/10 (modul 3) aammalu ataasinngorneq ulloq 17/10 (modul 4)
Peqataaniarluni nalunaarfissaq toorlugu ilannguttoqarsinnaavoq.
Oqaatsit atorneqartussat: Qallunaat oqaasii
Matematik - ukiumi ataatsip iluani pikkorissarneq
Ukioq manna matematikki immikkut ukkatarinissaa kissaatigaarput. Taamaattumik immikkut ittumik matematikimut atatillugu pikkorissaanissaq inerisarnikuuarput. Taannalu webinarit allat ilusaannit allannerusumik aaqqissuussaavoq.
Pikkorissaaneq ukioq naallugu ingerlanneqartussatut ilusiligaavoq webinarernissallu saniatigut ukiup ingerlanerani online-itut pikkorissaanerit ulloq ilivitsukkuutaartut marluk atorlugit ingerlan-neqassallutik. Tamanna soqutiginarluinnartuliaavoq, siornatigut Kivitsisamit misilinnikuunngi-sarput.
Pikkorissaanissani saaffigiumaneqarput ilinniartitsisut matematikimik ilinniartitsinissamik soqutiginnilluinnartuusut. Assersuutigalugu pissusissamisoortuusorinarpoq tassani peqataaso-rissallugit ilinniartitsisut annertuumik skemaminni matematikimik atuartoitsosartuusut aammalu atuarfinni matematikertitsinermut siunnersortaasut.
Pikkorissaanerni nalinginnaasumit annertunerulaartumik itisiliisoqartassaaq, peqataasullu akor-nanni periarfissaalissalluni matematikimik ilinniartitsisunik allanik attavittaartorluni isumasioqate-qartalersinnaanissaq.
Pikkorissaanermi matematikimik ilinniartitsineq peqqissaartumik sammitinneqassaaq, tassani atuartut iPadsit atorlugit, suliaqartinneqartassallutik, misissuillutik, pilersitsillutik ilinniariaatsinillu ingerlateqqiisassallutik.
Pikkorissaanissaanerit immersorneri siulliit siullermeerutaasumik aaliangersimasumik ilusilersugaapput, kingornali peqataasut annertuumnik pikkorissaanerit ilusilersornerini oqartussaaqataalissapput, imarisaasunut sammerusutanullu atatillugu.
Webinarernissani allanitulli sungiusaatinik suliaqartitsisoqassaaq, ilinniartitsinerni misilinneqar-sinnaasussanik aammalu ingerlanneqassalluni pikkorissaanermik naliliineq.
Ilinniartitsisuussapput: Mikkel Raarup-Pedersen, ilinniartitsinermut Kommuneqarfik Sermersuumi siunnersortaasoq aammalu Katrine Munch Kirsted, Ilinniartitsisunngornianik matematikimik ilinni-artitsisuusoq kiisalu Søren Rasmussen, Matematikimik ilinniartitsisuusoq Kompasimilu siunnersor-taasoq.
Webinarit: 14.00 – 16.00
Ulloq naallugu online-iusumik pikkorissaanissat 8.30 – 15.00:
Ullut:
Pingasunngorneq ulloq 21/9 – Ukiaanerani webinarertitsineq
Ataasinngorneq ulloq 31/10 – Ulloq naallugu pikkorissaaneq 1
Sisamanngorneq ulloq 8/12 – Ukiuunerani webinarertitsineq 1
Sisamanngorneq ulloq 15/12 – Ukiuunnerani webinarertitsineq 2
Sisamanngorneq ulloq 26/1 – Ulloq naallugu pikkorissaaneq 2
Marlunngorneq ulloq 21/2 – Upernarnerani webinarertitsineq 1
Marlunngorneq ulloq 28/2 – Upernaanerani webinarertitsineq 2
Sisamanngorneq ulloq 9/3 – Upernaanerani webinarertitsineq 3
Sisamanngonreq ulloq 16/3 – Upernaanerani webinarertitsineq 4
Peqataaniarluni nalunaarfissaq toorlugu ilannguttoqarsinnaavoq.
Oqaatsit atorneqartussat: Qallunaat oqaasii