ISUMMERSORFISSAQ

Atuartut, ilinniartitsisut ilinniartitsisunngorniartullu tamarmik maanna iserfigisinnaalerpaat Skoletube. Skoletube naatsumik oqaluttuarissagaanni tassaavoq sakkussaasivik digitaliusoq pissangartorpassuarnik imaqartoq, atuartut isumassarsiorlutik, misissuillutik, pilersitsillutik oqaloqatigiillutillu suleqatigiinneranni atuartitsinerni atorneqarsinnaasunik. Skoletube tassaavoq sakkussanik digitaliusunik aallerfissiaq. Tassa ilinniartitsinerup qanoq ingerlannissaanut soorlu Cleotulli allanillu iserfigisinnaasatut innani allanerullunili atuartitsinerup qanoq ingerlannissaanut ilinniartitsissusiaanngitsoq.  Tassa Skoletube-imiipput programmit atuartut ilanngutinniarlugit atuartitsinermi aaneqarsinnaasunik sakkussiat. Nuannernerusumik soqutiginar-nerusumillu suleqatigiilluni ilinniartitsinissamut periarfissanik

Amerlanerit inuunerminni PowerPoint-it takisuut, ilaannikkut takisoorujussuarnik nalaataqartarsimassapput. Pikkorissaanerni, ataatsimiittuni, pamersaanermik ulluni sammisaqarnerni atuartullu saqqumiussinerinni. Imaassinnaavoq aamma illit takivallaalaartunik naammaannartunillu saqqummiussasaliortarsimassasutit. Aajukuli illit atuartuutivillu saqqummiussisarnissaannut sulilu pitsaanerulersinnissaannut siunnersuutinnguit 6-it. 1. Allataq Eqqaamassavat saqqummiussassatit digitaliusut oqaatsitigut saqqummiussassannut tapertaannaammata. Tassa imaappoq peqataasut saqqummiussani allatatit ukkatarisussaanngilaat, oqaatsitigulli saqqummiussarnut tapertaasussaallutik. Taamaammat takisuunik allannaveersaarit. Qulequttat atukkit. Allatatit soqutiginnilersitsissapput, atuarnissaalli sivisusussaanngilaq. Eqqaamassavat peqataasut

1 Sammisamik toqqaagit E-bog-iliassat sumut tunngasuussanersoq ilisimalereerukku, taava atuakkiassappit isikkussaanik toqqaassaatit. Isikkussaa pingaaruteqarluinnarpoq atuakkiavit imarisaa oqariartuutaatalu oqaatiginiarneranut. Oqaatsit, assilissat allallu atuakkiap oqariartuutaanut tulluarsartussaapput. 2 Isikkua Atuartut atuakkiamik ilusissaat pillugit oqaloqatigineranni, qinnuigissavatit ”tamakkiisumik” isiginnittariaaseqarlutik isigissagaat, immikkoortortai ataasiakkaat piinnarnagit. Isikkua ilusilersuinermi immikkoortortaavoq pingaaruteqartoq. Atuakkiami immikkoortut tamarmik suleqatigiilluarpata, allanngorarneq ataatsimoornerlu ataqatigiikkaangata, taava ilusilersuineq iluatsissimassaaq. Aajuku assersuutit takussutissiisut qanoq

Suleqatigiinneq suleqatigiinnerlu ataatsimoorfiusoq (kollaboration) IT ilinniartitsinermut ilanngukkaanni eqimattakkuutaarluni suleqatigiinnissaq eqqarsaatissaqqittuuvoq. Atuartut sanaartukkanik digitaliusunik peqatigiillutik pilersitsisinnaapput, suleqatigeeriaatsit assigiinngitsut atorlugit, nammineerlutillu paasissutissanik ujartuisinnaallutik. Suleqatigiissinnaanerli atuartut pigereertanngilaat. Tamanna ilikkagassaavoq. Tassani ilaatigut pingaaruteqarpoq illit ilinniartitsisutut atuartunut ilitsersuinerni erseqqitsuliornissat naatsorsuutigisatillu ilisimatillugit, kiisalu illit ilinniartitsisutut periarfissat digitaliusut ilisimassagitit. Sooruna atuartut eqimattani sulissasut? ​ Eqimattani suleqatigiinneq pitsaasoq didaktisk-imik eqqarsaatersuuteqarnikkut aallartittarpoq. Siullertut pingaaruteqarpoq

Podcast atuarfimmi sakkussatsialaasuuvoq. Podcast tassaavoq nipimik assitalernagu aallakaatitassiorluni immiussineq Ipads atorlugu atuartumit ingerlanneqarsinnaasoq. Atuartoq illoqarfimmut paasisassarsiorsinnaavoq, apersuilluni aallakaatitassiorluni. Oqaluttuatoqqanik assigisaanillu oqaluppalaarsinnaavoq soqutiginarninngorsaalluni nipinik tunuliaqutsersuilluni. Killeqanngilaq soqutigisaminnik oqaluttuarsinnaanerat. Tassami podcastiliornermi suut sammineqarsinnaanerat ammalluinnarpoq. Iluatinnartuisalu aamma ilagivaat oqaluttuarsinnaanermik saqqummiussisinnaanermillu ilinniarfiussagami, oqaluttuariniakkamik aaqqiussugaasumik tulleriaarinermut ilinniutaalluni, oqallorissaarnissamut ilinniutaalluni, pissanganarsaarinermut soqutiginarsaarinermullu ilinniutaalluni allarpassuillu.   Atuagaq aajuk taannalu ilitsersuutitut atorlugu, taamallu

Atuarfimmi atuartut filmiliorsinnaaneq nassaarsiorsinnaanermut periarfissarivaat immikkuullarilluin-nartoq, taamatut iliorlutik avammut oqariartuuteqarlutik saqqummiussisinnaapput, suleqatigiin-nernik pilersitsisinnaapput ilisimalikkatillu imminneq qaqugumulluunniit pigilersinnaallugit . Filmiliornerni atuartut siammasissorujussuarnut pulatertussaapput ilikkagassamikkut imminnut qaffassarlutik, nassaarsiorlutik nutaaliorlutik aammalu oqariartuuteqarnissamut imminnut piorsarlutik.   Filmit siammasissorujussuarmik atorneqarsinnaapput. Filmiliat takorluugaasinnaapput, piviusulikkersaarusiaallutik imal. aaliangersimasunik ilisarititsissutaasinnaallutik.  Aamma matematikimut, fysikimut pinngortitalerinermullu sammisuusinnaapput tassanilu suliarinnittut suut angusimanerlugit oqaluttuarsinnaallutik. Soorlu eqqumiitsuliorneq pillugu filmiliorsinnaapput