
Atuarfiit matoqqaneranni avanngasissumiit atuartitsinerit pillugit eqikkaaneq
Marlunngorneq ulloq 17. marts 2020 nalunaarutigineqarpoq, nunatsinni atuarfiit tamarmiusut matugallassasut, coronap tuniluutinnginnissaa isumannaarumallugu. Tamatuma malitsigisaanik pisariaqalerpoq atuarfinnut atatillugu sukkasuumik eqqarsarnissaq, isumanaarsinnaajumallugu atuartut ilinniartinneqarnerisa ingerlannarnissaat, atuarfimmukarsinnaanngikkaluarlutik. Atuarfinnik tassanngaannartumik matuseriataarneq Kivitsisap ilinniutissanik ilinniartitseriaatsinillu ingerlatsissutaasinnaaneranut ammaassivoq. Taamaattumik Kivitsisamiit nalunaarusiornikuuvugut, pisup aqqutaani ilikkakkatsinnik katersuiffiusumik. Uuma atuagassiap ataani taanna aasiinnaavat. Nalunaarusiaq suliarineqarpoq erseqqilluinnartumik takusinnaajumallugit atuarfiit matunerini iPadsit atorneqarneri suni ingerlanneqarsimasut

Apple Teacher
Apple ilinniartitsisunut atuartitsinerminni apple-imeersunik atortoqartunut ilinniummik inerisaasimavoq. Ateqarpoq Apple Teacher takuneqarsinnaallunilu iserfigalugu: UANI Ilinniartitsisutut programmi taanna atorlugu iPad Mac-illu atorlugit atuinissamik ilinniarsinnaavutit, taamallu atuartut peqatigalugit ingerlataqarsinnaallutit. AppleID atorlugu iserfigisassaavoq tuluttuinnarli allanneqarsimalluni.

Infografik
Kompas Kivitsisamik ilinniartitsinermi pingaaruteqarpoq. Una iserfigalugu atuartitsinermi infografik-ip qanoq atornissaa pillugu assersuusiat takusinnaavatit: UANI

Everyone can create
Kivitsisa aqqutigalugu meeqqat pilersitsiniartalernissamut ammaassivigineqarput. Pilersitsisassapput, paasisassarsiortalerlutik, pinnguarlutik ilikkakkaminnillu allanut ingerlatitseqqittalissallutik. Tassa pilersitsiniarneq nassaarsiornerlu siunertani qitiupput. Apple ilitsersuusianik inerisaasimavoq paasinarsarlugit iPadsit atorlugit isumassarsiorlunilu pilersitsiniarnerit qanoq ingerlanneqarsinnaasut. Ilinniusiaasullu tamarmik tuluit oqaasii atorlugit sanaajupput. Ilinniartitsissusiaasimasut uani takusinnaavatit: UANI Aamma taakku akeqanngitsumik App Store aqqutigalugu ugguuna aasinnaavatit: UANI

Periutsinik ingerlatitseqqiineq
Ukiuni kingullerni periusissat pillugit nunatsinni assigiinngitsuni workshopertitsinerit ingerlanneqartarsimapput. Siullermik Qeqqata Kommuniani ilinniartitsisut workshopertinneqarput kingusinnerusukkullu Ilinniartitaanermut Aqutsisoqarfik suleqatigalugu nunatsinni ilinniartitsisunut nunatsinnit tamanit toqqagaasunut ingerlatsisoqarluni. Pisullu tamarmik &LEARNING aqutsisoqarulugu ingerlanneqarsimallutik. Siunnerfik anguniagaasorlu naatsumik oqaatigalugu tassaavoq, ilinniartitsisunik nunatta sinnerani ilinniartitsisoqatiminnut filmit atorlugit periusissanik ilinniartitsisalersinnanissaat. Workshopertitsinerni sammineqarput iPadsit atuartitsinermi atorneqarnissaat, aammalu sammineqarlutik tuluit oqaasii matematikilu. Ilinniartitsisut iPadsit ilinniartitsissutitut atornissaat