Pamersaaneq
Kivitsisap pilersinneratigut nunatsinni kommunit pingasuusut kissaatigivaat nunatsinni meeqqat atuarfianni ilinniartitsinermut nutaamut saqitsinissaq. Nunarsuarmimi ilinniartitsisiusut akornanni ukiuni makkunani oqallisaavoq, atuartut ukiumut 21. århundredimut naleqquttunik piginnaanernik ineriartortitsivigineqarnissaat. Tamanna isumaqarpooq, atuarfiinni atuartuusut maanna ilisimanngisaminnik aaqqiisinnaalernis-samut piareersarneqarnissaat, allanik suleqateqarnikkut attaveqaaterpassuillu atorlugit oqaloqatigiittalernikkutt. Tamakkulu tamarmik pissapput isorinnissinnaassuseqartumik ilinniartinneqarsimanermillu aallaaveqalersitsinikkut. iPadsit tamanut agguaanneqartussat atorlugit aammalu pitsaaneerusumik internetikkut attaveqalernikkut ilinniariaatsit nutaat atornissaat periarfissaalissapput, taamallu piginnaanerit siunnerfigineqartut anguneqarsinnaalissallutik. Pingaartuuvorli erseqqissassallugu, teknologiip suut tamaasa immineq aaqqissinnaanngimmagit. iPadsimmi, internetip, digitaliusunik ilinniartitsissutinik peqalernerup il.il. imminneq ilinniagaqalersitsinavianngillat. Suummi tamarmik tunngavi-givaat, atortut qanoq qanoq atorneraqarnerat..
Kivitsisami kisimi pineqanngilaq atuarfinni ulluinnaat pillugit mumisitsisutut ililluni allannguilluinnarnissaq, siunertaallunili teknologii atorlugi suni tamani iluaqutaasinnaasunik ilinniartitsinikkut kivitsinissaq .
iPadsilli immineq tamanna pilersissinnaanngilaat ilinniartitsisulli pamersaanermi periarfissanik sakkussanillu amerlanerusunik periarfissinneqassapput. Kivitsisamilu annerpaajullunilu pingaarnerpaavoq, ikiuillunilu kaammattuinissaq ilinniartitsisut periarfissanik atuilluarnissaannik ilikkartillugit. Tamakkulu tamarmik naapiffigissavaat ilinniartitseriaaseqalernissaq, atuartut akuutinneruneqalernerannik, misissuisinnaanerannik, misilittaanissaannik, nassaarsiorsinnaanerannik pilersitsineq. iPadsit imminneq aaliangissanngilaat, klassini sunik pisoqassasoq – tassami suli tamatuma tungaani atuarfik ilinniartitsisullu aaliangiisuussapput. Ataani takussutissiarineqarput periarfissat nutaat ilia, Kivitsisa aqqutigalugu kommunit tungaanit siuarsarumasagut.
Ilinniartitsinerit ilinniartitseriaatsillu nutaat
Kivitsisa atuartut misissuinertaqarnerusumik sammisanullu siunnerfilersugaanerusumik sulillutik ilinniarnissaannut ilusiligaavoq – aamma atuartitsinertaa eqqarsaatigalugu. Taamatut ilusiliinikkut atuartut kaammattorumaneqarput ilikkagaqarnerusinnaalernissamut, aqqutigalugit suleqatigiinnerit, nutaaliornerit pilersitserusunnerillu. Ilinniarfiusumi qitiutinneqassapput atuartut nassaarsiorsinnaanerat digitaliusunillu saqqummiussassanik pilersitsisinnaanerat. Tamakkulu tamarmik atuarfinnut inatsimmut, Atuarfitsialammut naapertuupput.
Kivitsisa aqqutigalugu kommunit kissaatigivaat ullumikkut killilimmik akuutitsilluni ilinniartitsisarneq, atuartut skærmip saavani isiginnaaginnartutut issialertarnerannik iluseqarnerusoq. Klassini iPadsit atorlugit ilinniartitsinermi ikorfartorneqassapput atuartut piviusunut qanittunik sammisaqarlutillu aaqqiissutissarsiorsinnaanissaat. Tamakkulu tamarmik tunngavigivaat nunarsuarmi sumiiffigisamilu pissutsit. Atuartut akuutinneqartuas-sapput, misissuillutik, misileraallutik, nassaarsiorlutik, pilersitsillutillu. Quppernermi ”inspiration”-imi atuagassaqarlunilu assersuusiaqarpoq, ilinniartitseriaatsit sammineqartut ulluinnarni qanoq atorneqarsinnaasut.
Nunarsuup sinneranut igalaaq
Kalaallit Nunaanni atuarfiit aaqqissorneqanerini nunap inissisimanera peqqutigalugu immikkoorluinnartumik unammiuagaqarpugut. Innuttaasut – taamallu aamma atuarfiit – sinerissami imminnut ungasillutik simmarsimasuupput sinerissami ingerlavigiuminaatsumi. Taamatullu iluseqarneq digitalimik aaqqissuiffiginninnissamut tulluuttuuvoq. Aaqqiissut, immap naqqatigut kabeliliinikkut, maanna periarfissaalersoq. Kikkut tamarmik iPadseqalersinnerisigut atuarfiillu pitsaanerusumik internetikkut attaveqalersinnerisigut, nunarsuup sinneranut igalaamik pilersitsoqarsinnaalerpoq. Tassalu naak nunarput nunarsuarmi avinngarusimasutut inissisimagaluartoq, meeqqat qeqqinnaani inissisima-sutut ipileersput taamallu siammasissumikavammut attaveqarsinnaalerlutik.
Tamanna meeqqanut nunarsuaq ammaassivoq, ajornarunnaarluni allat oqaasiinik ilinniarsinnaaneq aammalu nunarsuup sinneranut alakkarterisinnaaneq. Aammali nunatta iluani atuarfiit akornanni suleqatigiissinnaaneq annertunerususoq ammaassiviginneqas-saaq, ungasianiit ilinniartitsisoqarsinnaalissalluni aammalu e-læring atorneqarsinnaalis-salluni. Maannngaaq arlaqartunik assersuutissaqalereerpoq, teknologip periarfissaanik taamatut atorneqarsinnaaneranik. Quppernermi ”inspiration”-imi assersuut atuarneqarsin-naavoq, Qeqqata Kommuniani nunanit allanit tuluit oqaasiinik ilinniartitsisoqartarneranik.
Digitaliuneq immineq
Qulaani takuneqarsinnaasutut, Kivitsisami pingaarnerpaatinneqartut digitaliuneranut teknologiimullu samminngillat. Pingaarneerpaatinneqarpummi peritsinut digitalinngor-titsinerup ikiuutaasinnaaneranut sammisut, tassalu pitsaanerusumik ilinniartitsisinnaaneq, siammasissumik suleqatigiilluarnerusernaanermut aammalu ungasianiit ilinniartitsisinnaa-nermut e-læringimillu atuisinnaalernissamut sammisut. Kisiannili nunarsuarmi digitaliseerinermik tunngaveqaraluttuinnartumi.
Digitalinngorsaa-nikkut piginnaassutsit aamma qitiutillugit taakkartorneqanngitsoorsinnaanngillat. Ullutsinni ilinniartut aamma ilinniassavaat digitaliunerup immineq suunera. Kivitsisa aqqutigalugu sakkussat qanoq atornissaat ilikkarneqassapput: akuleriissitsisarnerit, teknologiimut tunngasut aammalu digitalinngortitsisarneq. Siunertaq alla tassaavoq atuarfinnut teknologiimik eqqussinissaq taamallu atuartut teknologiip qanoq uatsinnut sunniisarneranik paasititsinissaq, ilinniartillugillu paasinninnissamut nunarsuarmilu digitaliusumi qanoq isumatuumik pissusilersornissaq ilikkarlugu.
Suleqatigiinneq
Kivitsisamilu pingaartutut oqaaseq atorneqartoq tassaavoq, suleqatigiinneq.Taamallu atuineq sunut tamanut atuutsinneqarpoq. Atuartut qulequttat tunngavigalugit suleqatigiillutik suliassaminnik naammassinninniartalissapput. Atuarfinnilu ilinniartitsisut akornanni suleqatigeeriaatsit nutaat aaqqissuunneqassapput. Ilusiliussaq ULK (Ilinniartitsisut piginnaanikkut ineriartortinnissaat),ataatsimoortunut ilikkartitsiniarluni suleriaasiuvoq, taannalu tunngavigalugu atuarfiit imminneq ataasiakkaarlutik aqqutissarsiussapput. Ilinniartitsiut – Ikiorti ikiortigalugu – ilinniartitseriaatsinik suleqatigiillutik inerisaaniassapput, ataatsimoorlutillu akunnerminni qisuariaateqartarlutillu nalilersuisassallutik.. Taamatut sulereeernerup kingorna agguluisoqalissaaq – ajornanngippat atuarfik suleqatigalugu, minnerunngitsumillu kommuni suleqatigalugu, sulilu pitsaanerussaaq nuna tamakkerlugu ilinniartitsisoqatigisat suleqatigalugit.
Atuarfiit akornanni isummersoqatigiiffiusinnaasunik piginnaasatigullu qaffassaanissanut attavulersuutit pilersinniarneqalissapput. Kingullertullu, ingerlatsivinnut allanut attavilersuisoqassaaq, ataatsimoorluni atuarfiit kivitsivigineqarsinnaasunngortikkumallugit. Ilinniartitsisunngorniartullu tamarmik aamma iPadsiitaartinneqassapput. Taamak iliornikkut ilinniartitsisunngortussat ilinniartitseriaatissaminnik nutaanik ilinniarnerminni ingerlaneranili ilinniartinneqartalissallutik. Taamatullu aamma Ilinniagaqarnermut Aqutsisoqarfiup ilinniartitsisunngorniartullu pikkorissarneqartarneri Kivitsisap ingerlaneranut naleqqussagaasumik aaqqissuussivigineqassapput. Ilinniagaqarnermullu aqutsisoqarfik ilinniutissanik digitaliusunik saqqummiussuissaaq. Siunnerfillu ersilluinnarpoq, tassalu Kivitsisa tassaassammat ataatsimoorluni kivitsinissaq!