nUTAARSIASSAT

10. oktober 2019 Qeqqata Kommuniani nunarsuarmi anguniakkat piujuaannartitsinerlu pillugit sammisaqartitsineq

Sapaatit akunnerini makkunani Qeqqata Kommuniani atuartut 1300-ut FN-ip nunarsuarmi anguniagassatut siunniussai paasilluarnerujumallugit suliaqarput, paasilluarnerujumallugu nunarsuup paarilluarnissaanut taakku qanoq pingaaruteqartiginerat. Sapaatit akunnerini marlunni sammisaqartinneqarnerminni atuartut nutaanik eqqarsarlutik avatinnguaminni unammiornartut qanoq aaqqinniarneqarsinnaasut ujartussavaat.

Nunarsuaq tamakkerlugu suliniuteqarneq majip qaammataani aallartinneqarpoq, kommunip atuarfiini ilinniartitsisut arlaqartut nutaaliorluni isumassarsiorneq pillugu pikkorissarneqarmata. Tassani ilinniartitsisut piujuaannartitsineq qulequtaralugu atuartitaminnik ilinniartitsipput.

Qeqqatami Kommuniani ilinniartitsitsinerput ingerlapparput, nassaassarliorluni suleqatigiillunilu ingerlanissaq qitiutikkiartorlugu. Aammalu nunarsuarmi inooqataarusuppugut, nuarsuup sinnerani unamminartuusut aamma uatsinni piummata, Evelyn Frederiksen, Qeqqata Kommunai ilinniartitaanermut ataatsimnititaliami siulittaasuusoq, oqarpoq.

Ingerlanneqartoq Kivitsisamut ilaavooq tassanilu iPadsit paasissutissanik ujarlerninni atugassaqqissuupput aammalu aporfiit ulluinnarni piusut aaqqinnissaannik isummersornerni allarpassuarnillumi suliaqarnerni atugassaqqissuullutik.

 Nunarsuaq tamakkerlugu anguniakkatut siunniussat pillugit suliassat (Aktion Verdensmål) &LEARNING-imit ineriartortitaapput.

Uani annertunerusunik atuagassaqarpoq:

https://sermitsiaq.ag/fns-verdensmaal-i-fokus

https://sermitsiaq.ag/node/216338

https://www.qeqqata.gl/Nyheder/2019/10/elever_forslag_besparelser?sc_lang=da

https://aktionverdensmaal.net/

3. juni 2019 Kivitsisa atuarfinni tallimani

Maanna atuarfinnut tallimanut ukuusunut ilinniartitsisunut atuartunullu tamanut iPadsit tunniussuunneqareerput: Ilulissani Atuarfik Mathias Storch aamma Atuarfik Jørgen Brønlund, Aasianni Gammeqarfik, Nuummilu Ukaliusaq aammalu Atuarfik Hans Lynge

Atuarfinnilu pineqartuni tamani ilinniarnermi atugassatut tunniunneqartut nutaat tigulluarneqarlutik nuannaarutigineqarput, maannalu ilinniartitsisut atuartullu atortortaatik atorlugit misilittaaleruttorput. Assilisami talerperlermi takuneqarsinnaapput nivissat Aasianni Gammeqarfimmi 8. klassimi atuartuusut ullormi suliassaminnik piareersaasut: Tassa tuluit oqaasii atorlugit nerisassiornermi tunngavissianik filminngortitsinissat.

Atuarfinni tamani ”ikiorteqarpoq” ulluninnarni ilinniartitsisunik ikiuisartunik – teknik-imut  tunngassuteqartutigut, minnerunngitsumilli ilinnartitsinermi atuinissamik ujartuinerni atuinissanilu.

 

7. maj 2019 Avannaata Kommuniani Kommuneqarfik Qeqertalimmilu ikiortinik workshopertitsinerit siulliit.

Sapaatit akunnerisa 19-ianni Kivitsisa Kompas ikiortigalugu Avannaata Kommuniani Kommuni Qeqertalimmilu ikiortinik workshopertitsivoq. Taakkulu Kommuneqarfik Sermersuumi ingerlanneqartut assigalugit ingerlanneqarput: tassa ikiortit ilisimalikkanik ingerlatseqqiisinnaanermik ilinniartinneqarlutik. Uge 20-imilu ikiortit suleqatiminnut workshopertitsissapput.  

Talerpiup tungaani videoliami takuneqarsinnaavoq Najannguaq, Ilulissani AMS-imi ikiortit suuneri pillugit, workshopertitsrinerit aallartinneqartut pillugit, aammalu Kivitsisap atuutilernerata kingorna ilinniartitsisut atuartullu isumalluaataat pillugit, nassuiaateqartoq.

8. april 2019. Kommuneqarfik Sermersuumi aammalu Institut for Læring-imi workshopernerit siulliit ingerlanneqarput.

Sap.ak. 19-imi Kompas siullermeersumik Ikiorti-workshop-ertitsivoq. Tassani ikortit iPadsimik atuinissamik ilinniartinneqarput ilinniarlugit teknologiit tunuliaqutaasut ilinniartitsinermi/pamersaanermut atatillugu qanoq atorneqarsinnaasut. Aamma sammineqarput nammineq workshopertitsisinnaanerit suleqatillu siunnersortarnissaat.

Siullermeersumillu misilittaanerit sap.ak. 20-imi aallartinneqarput, tassani ikiortit Kompas peqatigalugu Atuarfik Hans Lyngemi USK-imilu ilinniartitsisunik workshopertitsillutik. Taakkunanimi ilinniartitsisut iPadsinik tunineqareersimapput, taamallu Kivitsisap aallartinnissaa qanilliartulerpoq, tassalu atuartunut iPadsinik tunniussuinissaq.

 

28. marts 2019. It-qarnermik aqutsivik Kivitsisamut piareerpoq

Martsip qaammataagaa Comm2IG kommunini tamani Institut for Læring-imilu peqatigalugit it-teknikerinut tamanut workshopertitsivoq. Qujanartumillu tamanna pivoq Tele immap naqqatigut kabelimik iluarsaassilluninammassisorlu. Pikkorissaanermi  IT-qarnermut aquitsisoqarfik tunngaviusumik ataatsimoorluni ingerlatsinissamik ilinniartitsivoq. Taamallu aqutsisussat atuarfimminni systemimik atuinissamut piareerput. Saniatigullu aqutsisut akornanni attavilersuisoqarpoq, akunnerminni suleqatigiissinnaalersillugit.  

Maannalu aqutsisussat sumiiffimminnut uterarsimalerput iPadsit atornissaannik systemimillu atuinisssamik piareersaajartorlutik. Kommuneqarfik Sermersuumilu sap.ak. 14-imi ikiortinut workshopertitsisoqarpoq taamatullu ilinniartitsisut sinneri aamma aaqqissuussivigineqassallutik sap.ak. 15-imi. Naatsorsuutigineqarpoq Atuarfik Hans Lyngemi aammalu USK-imi atuartut sap.ak. 17 aamma 18-imi iPadsissaminnik agguuaassivigineqarumaartut.  Nunatta avannaani – naak immaq naqqatigut kabeli akunnattoortitsigaluartoq – iPadsinik piareersaasoqarpoq. Avannaanilu ikiortit sap.ak. 19-imi workshopertinneqassapput ilinniartitsisullu sinneri atuarfinni: Kommune Qeqertalimmi Gammeqafimmi. Avannaatalu Kommuniani  Atuarfik Mathias Storch aamma Atuarfik Jørgen Brønlund-imi ilinniartitsisuusut sap.ak. 20-imi workshopertinneqassallutik.  

 

21. februar 2019 “Ilinniarnermut atugassiaavoq”

Kommuneqarfik Sermersuumi Kivitsisa aallartinneqartinnagu siullermeerutaasumik ingerlatsisoqarsimavoq. Tassani ilinniartitsisut atuartullu akulliit tamarmik iPadsilerneqarsimapput. Tassanilu Rune Bundgaard, kingusinnerusukkut Kivitsisap ingerlanneqarnerani aqutsisuulersoq, workshopertitsisimavoq ilinniartitsisunullu ikiortitut sullissisimalluni.   

Sermersuup nittartagaatigut ilanngussami matumani, atuarneqarsinnaapput ilinniartitsisup Mette L. Willumsenip iPads atorlugu atuartitsinermini misilittagarilersimasai. Ilaatigullu taanna oqaluttuarpoq: ”Ipad aqerluusaasiviup imarisaasa ilaattut isigineqassaaq. Ilinniarnermimi atugassiaavoq. Atuartullu ilaasa iPadimik atuineq uummarissaataasutut misigisimavaat, taamatullu misigisimallutit atuartut pikkorinnerit sanngiinerusutulli aamma inissisimasut”. Mettellu 4. klassimi atuartitaasa ilaat nangitsivoq oqarluni: “Ilinniartitsisunit ikiortariaqartarnera annikillivoq. Namminersornerullutami sulisinnaanerulerpugut”.

https://sermersooq.gl/kl/nutaarsiassat/2018/6/27/Ipadip-iluatsilluarfii

20. februar 2019.

Qeqqata Kommuniani Kommune Kujallermilu isumassarsiat misilittakkallu ilusiliiniarnermi tunngavigineqarput, taakkunanimi 2014-imi ilinniartitsisunut atuartunullu iPadsinik tunniussuisoqarnikuummat.

Taamatut iliortoqarpoq atuartitseriaasit atorneqartut allanngorsarumallugit. Filmiliami talerpiup tungaani takuneqarsinnaasumi 1. klassemi atuartut takutippaat, ulluinnarni atuartinneqarnerminni iPadsitik qanoq atortarlugit. Ilinniartitsisullu Magdalene aamma Aaniisi oqaluttuarput, peeriarfissat nutaarluinnaat qanoq misigisaqartitsisut, qanorlu ilinniartitsitseriaatsinik nutaanik periarfissiisut.

PROJEKTET ER STØTTET AF

hempel_single
velux_single
apm_single
oak_single

DELTAGENDE KOMMUNER

kommuner_single