Ingerlanniagaq

Kivitsisa tassaavoq ingerlanniagaq nunatsinni kommuninit tamanit suleqatigiissutigineqar-toq. Taamatut kommunit tamarmiullutik atuarfiit tungaannut meeqqat atuartinneqar-tarnerat qaffassaruumallugu tikkuusseqatigiinneq,  oqaluttuarisaanermi siullerpaajuvoq.  Pilersaarutaasorlu Institut for Læring og Uddannelsesstyrelsen (ilinniartitsinermik ilisimatusarnermik ingerlatsivik aammalu ilinniagqarnermut aqutsisoqarfik) qanimut suleqatigalugit ingerlanneqassaaq. Kommunillu assigiinngeqimmata, Kivitsisap ilusiligaanera kommuninut ataasiakkaannut naleqqussarneqassaaq. Assigiissutaassappulli nalerarineqartut suleqatigiinnissamullu piumassuseqarneq ikioqatigiikkumanerlu.

 

Kivitsisamik atulersitsiniarneq atuarfinnut aataasiakkaanut suliassaavoq soqutiginartoq. Ilinniartitsinissanut teknikkertaanullu tunngasut eqeersimaartumik sammisassaassaallutik. Ilinniartitsinissamik teknikertaasunillu isiginneqqissaarnissaq pisariaqarpoq . Taamaattumik atuinissamik eqqussiartorneq naafferartumik ingerlanneqassaaq, atuarfiit ikittukkuutaat tamakkiisumik malittarineqarlutik alaatsinaanneqarsinnaaqqullugit. Ataani titartukkami illoqarfinni atuarfinnut ataasiakkaanut nunaqarfiillu atuarfiup ataani ittunut qanoq atuutsitsilernissamut atatillugu siammartiterinissaq pilersaarusiaq qanoq ittuusoq takuneqarsinnaavoq. Atuarfiit ilaanni iPadsinik agguaassisoqareernikuuvoq. Tamatumunnga peqqutaavoq Kivitsisami tunngavigineqarmata Qeqqata Kommuniani aammalu Kommune Kujallermi 2013-imili ingerlatsinermit misilittagarilersimasat

Kivitsisa aqqutigalugu anguniarneqarpoq meeqqat atuarfianni ilinniartitsinerup pitsanngorsarnissaa. iPadsit agguaanneqarpata internetikkullu attaveqarnerit pitsanngortinneqarlutik – eqqortumillu atuinerit ingerlanneqarpata – atuartitsinermi periarfissarpassuit soqutiginartut nutaat ammaanneqassapput. Atuartummi taava paasissutissanik katersuisinnaalissapput, namminneq ilusiliisinnaalerlutik ilisimasanillu akunnerminni agguaassisinnaalissallutik. Allanillu nunap iluani avataanilu atuartunik suleqateqarsinnaalissallutik, aammalu ungasianiit atuartitsisoqarsinnaalissaaq allarpassuarnillu ingerlatsisoqarsinnaalissalluni.  Siunnerfillu angujumallugu, tassalu atuartut ilikkagaqarsinnaanerisa qaffannissaat, taava ilinniartitsisut allatut

suleqatigiinnernik ingerlatsisinnaalissapput, taamatullu akunnermi iluatsilluakkanik paarlaassillunilu tunioraasoqarsinnaalissalluni. Qaffasissutsit assigiinngitsut iluini Kivitsap siunnerfiii qaffasissumik inissisimapput. Aammalu Ingerlanniagaq kommunit atuarfeqarfiinit avataaneersunit annertuumik tapersersorneqarpoq. Ingerlanniarneqartorlu aningaasateqarfissuarnit sisamaasunit tapersersorneqarpoq ukuusunit: Villum Fonden, Hempel Fonden, A.P. Møller og Hustru Chastine Mc-Kinney Møllers Fond, siunertanut siammasissunut tunniussisartoq kiisalu aamma tapersersuivoq Oak Foundation Denmark. Aningaasaateqarfiit sisamat aqutsisoqatigiinni issiatitaqarput peqatigalugit qanimut suleqatigisat inuillu ataasiakkaat, ingerlanniakkamik tapersersuerusuttut. Ataani takuneqarsinnaavoq ingerlatsinerup qanoq aaqqissuussaanera.

Kivitsisami annerpaajullunilu pingaarpaaq tassaavoq, ilinniartitsisut pisortaasullu ikiorneqarnissaat, ulluinnarni meeqqat ilinniartinneqarnerisa pitsaanerulernissaa anguniarlugu qanoq atortussat nutaat ikiuutaasinnaanerannik misilittagaqalernissaq. Taamatut tapersiinermi anguniarneqarpoq, ilinniartitsisut suleqatigiissilernissaat akunnerminnilu ilikkakkaminnik agguasseqatigiittalernissaat.   Qulequtaritinneqartoq tassaavoq, illit ilikkagaqaruit, taava  likkakkannik allanut ingerlatseqqittussaatitaagavit. Tassani qitiusutut piareeersimatinneqarput “Ikiortit”. Taannartaa perorsaanermut atuartitseriaatsinullu tunngasut iluini periarfissanik assigiinngitsunik imaqarpoq, taaguummilu tunngavigineqarpoq ulluinnarni suleqatigiit imminnut ikorfartoqatigiillutillu ikioqatigiittarnissaat. Ilinniartitsisut ilaat piffissaq tamaat atorlugu ”ikorti”-tut inissisi-massapput, allat ilinniartitsisuunermi saniatigut ikiortitut inissisimassallutik. 

 

Ikiortit suliassarissavaat ulluinnarni atuartitsinermi suleqatiminnik qanimut ikiuisarnissaq. Taakkulu ingerlanneqartumi inissisimassapput, piareersaasartussatut, timitaliisartussatut atuartitsinernillu nalilersuisartussatut, aammalu piareersimaffigissavaat ilitsersuisarnissat ikioqatigiinnermilu peqataasarnissat. Ikiortit pilersaarutaasup ingerlanerani suleqatiminnik ikiuisarinssamik ilinniartinneqassapput. Tamanna ingerlanneqassaaq taasami “Ikiortit Naapiffik” (Ikiortit Meet up), tassanilu taakku naaapeqatigiissinneqarlutik perosaaarnermut, teknikkimut suleqatinillu ilitsersuisarnis-samut sungiusarneqassapput. Taamatut iliornikkut nuna tamakkerlugu ”!kiortit” imminnut attaveqalernissaat pilersinneqassaaq. Ikiortillu aamma webinar-inik taasat (internetikkut isumasioqatigiissitsisarnerit) atorlugit isumassarsioqatigiissinneqartassapput, taamaattuni Kivitsisami ingerlatsisuusoq qanimut isummersoqatigisassallugu. 

Kivitsisa pamersaanermut atuartitseriaatsinullu tunngasumik ingerlatassiaavoq, siunnerfiulluni atuartut ilikkagaqarnissaasa qaffassarnissaatt. Tamanna anguneqarsin-naassappat, pisariaqartinneqarput teknikkikkut pitsaasunik atuagassaqarnissaq. Tamanna, soorlu Kivitsami tamarmi taamaattoq, aallaaveqarpoq kommunit tallimaasut qanimut suleqatigiinnerisigut. Taamaattumik kommunit tamarmik Ilinniartitaanermullu Ingerlatsivik pilersitsiniarput atugassianik assigiinnik periarfissaqartitsinermik aallaaveqartunik. Taamatut ataatsimoorluni aaqqiineq aqqutigalugu, kommunit suleqatgiissinnaalissapput imminnullu ikiorsinnaalissallutik. Taamallu iliornikkut ilinniartitsisut atuartullu kommunimiit kommunimut nuuttut nuunnerminni oqilisaanneqassallutittaaq.

Ataani takuneqarsinnaavoq ataatsimoorussamik ingerlatseriaasissaq qanoq timitalerniarneqartoq. Siulleermik qulaajaaneq ingerlanneqassaaq, tassani ingerlatsissutissat pillugit pingaarnernik tunngavissanik aaliangiussisoqassalluni. Tamanna pereerpat it-qarnermut atatillugu ikiortaasartut kommuninit tamaneersut aammalu Ilinniartitaanermut Ingerlatsivinneersut naapeqatigiissinneqassapput, atortussat aqullugillu atorsinnaanerinik ilinniartinne-qariartorlutik. Ingerlanniakkallu aallunnerini atortut ingerlanneqarnissaat pissapput kom-munit suleqatigiissilluinnarlugit, tassani misilittagarilikkat akunnermi paarlagiiaassutigine-qartassallutik.

 

PROJEKTET ER STØTTET AF

hempel_single
velux_single
apm_single
oak_single

DELTAGENDE KOMMUNER

kommuner_single