Kivitsisami filmiliorneq atorlugu ilinniartitsineq qitiulluinnarpoq. Atuartut tassuuna pinngorartitsilluarsinnaallutillu ilisimasaminnik ingerlatitseqqissinnaallutillu suliakkiunneqartoq apeqqutaatillu nuannersunik oqaluttuarsinnaapput.
Pinngorartitsineq nuannersumillu oqaluttuarneq junip ingerlanerani Tasiilami workshopertitsisoqarlunilu filmfestivalertitsisoqarnerani pingaaruteqartuupput. Tamakku tamarmik pisinnaasimapput Inuvik Produktion, tassaasoq suliaqarfik oscarinnannissamut innersuussaasimasoq aamma Axel Thårup Maratse, Kommuneqarfik Sermersuumi Atuartitsinermik siunnersortip suleqatigiinneranni.
Atuartitsinermi filmi
Atuarfimmi filminik suliaqarnermi atuartunut asseqanngitsumik pinngorartitsinissamut, attaveqarnissamut suleqatigiinnissamullu periarfissiivoq. Filminik suliaqarnermi atuartut piginnaasat assigiinngitsut eqqumiitsuliornikkut attaveqarnikkullu oqariartuuteqarnermut periarfissippaat.
Soorlu sorpasuit assigalugit filmit ilinniarneqassapput. Tassaavormi oqaluttuarneq aalangersimasoq, tassungalu sunniiniutit immikkuullarissut suliarisinnaanerannut attuumassutilik.
Tasiilap Alivarpiani atuartut tassunga peqataasut inuussutissarsiuutigalugu filmiliortartut pikkorissut suleqatiginissaannut periarfissinneqarput, qanorlu filmiliortarneq pillugu immikkut paasisaqalerlutik. Inunnit pikkorissunit siunnersorluarneqarlutillu avitseqateqarsinnaaneq atuartut namminneerlutik eqqarsarsinnaanerannut allatut itinerusumik suliaqarsinnaalersitsipput.