Sunaana?
Kivitsisa
Kivitsisa atuarneqarsinnaareersutut (ataatsimoorluta) “kivitsisa”-mik isumaqarpoq. Kalaallit Nunaanni kommunit tamarmik Ilinniarfissuaq qanimut suleqatigalugu Kivitsisap tunuliaqutarai. Kivitsisami Kalaallit Nunaanni meeqqat atuarfiini atuartitsinerup pitsaanerulernissaa allanngortinnissaalu siunertarineqarpoq. Tamannalu ilinniartitseriaatsit atuartunik peqataatitsisut, alimasissumit atuartitsineq aammalu iPadi qitiusumik sakkugalugu nutaanik suleriuseqarneq atorlugit anguniarneqassaaq.
Kivitsisa Kalaallit Nunaanni inoqarfiit siammasissumik inissisimanerisa unammilligassartai eqqarsaatigalugit iluaqutissaavoq. Atuarfinni interneti pitsaanerulersimatillugu atuartut, ilinniartitsisut ilinniartitsisunngorniallu iPadimik tunisittarput.
Kivitsisami pamersaanikkut naleqqutsillugu atorneqartartussamik digitaliusumik aaqqissuussamik nutaamik pilersitsisoqarpoq. Kivitsisap anguniagaata qaffasissup anguniarnerani meeqqat atuarfiini ilinniartitsisut aqutsisullu tamarmik toraagaqartumik ikorfartorneqassallutillu pilersaarusiukkamik ataavartumillu piginnaanngorsarneqarluartariaqarput. Piginnaanngorsaaneq digitalimik ingerlanneqarsinnaatillugu, digitalimik ingerlanneqartarpoq.
Kivitsisa 2018-imiilli pilersinneqarami suli atuuppoq.
atortuulersinneqarnera 2018-imi aallartinneqarpoq tassanngaanniillu ingerlaannarluni. Kivitsisa ima siammarsimatigaaq, allaat massakkut Kivitsisa meeqqat atuarfiinut tamanut siaruarsimalluni. Aatsaavissuaq kommunit tamakkerlutik meeqqat atuarfiat assigiimmik siunertalimmik suleqatigiissutigaat.
Atuartut suliaqarnerulerput
Kivitsisaqalernerata kingunerisaanik atuartunut sunniutit ilagaat atuartitsinneqarnermi allannguineq. Atuartitsinermi nutaamik periuseqalernermi atuartut ilinniartitseriaatsinut nutaanut suliaqarnerulersitsisunik atuinerulerput. Misissuineq, misileraaneq, pinnguarneq ilinniarnerlu atuartut suliarisarpaat. Suliaqarnermi, pilersitsinermi ilikkakkaminnillu saqqummiinermi atuartut suleqatigiittarput taamaaliornerminnilu iPadi iluaqutigisarpaat.
Atuartut paasisassarsiornerminni sumiiffitsik nunarsuarlu aallaavigisinnaavaat. Paasisatik assigiinngitsutigut, soorlu filmit, titartakkat aalasuliat, assilissat, nipit allattallu atorlugit saqqummiuttarpaat. Atuartut ilisarisinnaasaminnik suliaqartarnerat uteqattaarneqartuarpoq. Saniatigut ini atuartitsiffiusoq qimallugu aammalu inuiaqatigiinnut silarsuatsinnilu tunngasunut ilinniartitsineq ingerlanneqassaaq.
Ilinniartitsisut qaninnerusumik suleqatigiilernerat
Kivitsisaqalernerata kingunerisaanik ilinniartitsisut ulluinnarni sulinerat aamma allanngorpoq. iPadeqalerneq atuarfinnilu internetimut attaveqarnerup pitsaanerulernerata pamersaanikkut suliaqarnermullu tunngasunut periarfissarpassuit ammaanneqarnerinik kinguneqarpoq. Kivitsisami nuna tamakkerlugu ilinniartitsisut naapiffeqalerput, taannalu kujataani ilinniartitsisut avannaani ilinniartitsisunik suleqateqarsinnaanerannik ammaassivoq. Tassungalu tunngatillugu Kivitsisami periutsit assigiinngitsut digitaliusumik piginnaanertusarnissamut ineriartortinneqarput. Taamaalilluta ingerlanerit sivisuut ataavartullu siornatigut periarfissaasimanngitsut suliarilersinnaavagut. Ulluinnarni sumiiffik aporfiginagu avitseqateqarnissamut suleqatigiinnissamullu ikiortinik taagorneqartunik sulisoqarpoq. Atuarfinni annerusuni tamani ikiorteqarpoq. Ikiortit ilinniartitsisuusut suleqatitik Kivitsisap anguniagai aallaavigalugit atuartitsinissamut ikiuisarput, tamannalu workshopertitsinikkut pisariaqartinneqartillugulu atuartitsinissamut piareersarnermi, ingerlatsinermi nalilersuinermilu avitseqateqarnerni pisarpoq – ikiuunneq issiaqatigiinnikkut aammali (annerusumik) digitalikkut ingerlanneqartarpoq
Meeqqat atuarfiini alimasissumit atuartitsinerup atorneqalerneranit ilinniartitsisut atuarfiillu nutaamik periuseqarlutik suleqatigiittalerput. Alimasissumit atuartitsisartoq avataaneersuusarpoq nutaanik pamersaanikkut eqqarsartariaasilik, sumiiffimmilu ilinniartitsisumik naapitsinerani isumassarsiat nutaat pilersarlutillu soqutiginartumik avitseqatigiinneq pisarpoq.
Kivitsisa naatsumik oqaatigalugu digitaliusunik periarfissat atorlugit pamersaanikkut ilinniartitseriaatsinillu pitsaasunik nassaarniarnermut tunngasuuvoq.
Kivitsisa 2018-imili aallartimmat meeqqat atuarfia pingaarutilimmik arlalitsigut kivinneqarpoq. Kivitsisa aqqutigalugu kommunit suleqatigiillutik meeqqat atuarfiini suleqatigiissutaat allat taaneqarsinnaasut tassaapput:
Atuarfinni internetikkut attaveqarsinnaanerup pitsaanerulernera
Atuartunut, ilinniartitsisunutilinniaritsisunut ilinniartitsisunngornianullu iPadinik tunioraaneq
Piginnaanertusarnerit piujuartitsisut ineriartortinneqarnerat – ilaatigut digitalimik nuna tamakkerlugu ilinniartitsisunut ilaatigullu atuarfinni ornigulluni ingerlatsinikkut
Atuartunut suliaqartitsisunik ilinniartitseriaatsinik atulersitsineq
Alisissumik Alimasissumit ilinniartitsinerup atuartitsinerup nalimmassaanikkut ineriartortinneqarnera alisissumillu alimasissumillu ilinniartitsinermut atuartitsinermut sumiiffinnit aallaaveqarnissaanik aqqutissiuineq
Atuartitsinermi atortussianik isaaffikkut nutaaliorta.gl-kkut aqqutigalugu ineriartortitsineqineriariartortitsineq aammalu nittartakkatigut piginnaanertusarnissamut sungiusarfissamullu akademi.gl-ikkutmut isaaffimmik ineriartortitsineq
Isumassarsiamiik piviusumut
2014
Qeqqata Kommuniani Kommune Kujallermilu ilinniartitsisunut atuartunullu tamanut iPadinik agguaasoqarneratigut misiliummik ingerlatsineq aallartinneqarpoq.
2017
Kivitsisa piareersarlugu kommuninit tallimaasut akornanni suleqatigiinneq aallartippoq.
2018
Kivitsisa aningaasaateqarfinnit tallimaasunit taperneqarpoq: Villum Fonden, Hempel Fonden, A.P Møllerip nuliatalu Chastine Mc-Kinney Møllerip siunertanut nalinginnaasunut aningaasaateqarfianit aamma Oak Foundation Denmark.
Kommunit ataatsimoorlutik ineriartortitsinissamik atuutilersitsinissamullu suliniutaat Kivitsisa aallartinneqarpoq.
2019
iPadit siulliit atuarfinni tallimaasuni tunniussuunneqarput piginnaanertusartitsinerlu aallartisarneqarpoq.
Ikiortit Naapiffik siullermeerluni ingerlanneqarpoq
2020
iPadit atuarfiit matuneqarneranni angerlarsimaffimmi atuartitsinermi atorneqarput
Ikiortit Naapiffik piginnaanertusartitsinerullu aappaat digitaliusutigut ingerlanneqarput
Tassanilu Ilinniartitaanermut Aqutsisoqarfimmit, Ilinniusiorfik, atuartitsinermi atortussianik digitaliusunik – ibogimik – saqqummiussivoq.
2021
Kivitsisap alimasissumit atuartitsinermut pilersaarutaasoq aallartippaa
Ilinniartitaanermut Aqutsisoqarfiup allattariarsornermi misilitsinnerit iPadit atorlugit ingerlanneqarsinnaaneri isumagai
Kivitsisa siullermeerluni nuna tamakkerlugu ilinniartitsisunut faagimut tunngasunik webinarertitsivoq
2022
Nuna tamakkerlugu meeqqat atuarfiini iPadinik tunniussuussisoqarpoq
Atortussiat siulliit Nutaaliorta aqqutigalugu saqqummersinneqarput
Kivitsisa Akademi atulersinneqarpoq
Kivitsisap alimasissumit atuartitsinissamut ingerlassimasaanni misilittakkat Ilinniarfissuarmit katersorneqarlutillu saqqummersinneqarput
2023
Ikiortit nuna tamakkerlugu ilinniartitsisunut webinarertitsipput
Ilinniarfissuaq Kivitsisa aqqutigalugu faaginut tunngasunik webinarertitsivoq piginnaanertusaanermilu akisussaassuseqaleraluttuinnarluni