Apple Teacher
Apple ilinniartitsisunut atuartitsinerminni apple-imeersunik atortoqartunut ilinniummik inerisaasimavoq. Ateqarpoq Apple Teacher takuneqarsinnaallunilu iserfigalugu: UANI Ilinniartitsisutut programmi taanna atorlugu iPad Mac-illu atorlugit atuinissamik ilinniarsinnaavutit, taamallu atuartut peqatigalugit ingerlataqarsinnaallutit. AppleID atorlugu iserfigisassaavoq tuluttuinnarli allanneqarsimalluni.
Infografik
Kompas Kivitsisamik ilinniartitsinermi pingaaruteqarpoq. Una iserfigalugu atuartitsinermi infografik-ip qanoq atornissaa pillugu assersuusiat takusinnaavatit: UANI
Everyone can create
Kivitsisa aqqutigalugu meeqqat pilersitsiniartalernissamut ammaassivigineqarput. Pilersitsisassapput, paasisassarsiortalerlutik, pinnguarlutik ilikkakkaminnillu allanut ingerlatitseqqittalissallutik. Tassa pilersitsiniarneq nassaarsiornerlu siunertani qitiupput. Apple ilitsersuusianik inerisaasimavoq paasinarsarlugit iPadsit atorlugit isumassarsiorlunilu pilersitsiniarnerit qanoq ingerlanneqarsinnaasut. Ilinniusiaasullu tamarmik tuluit oqaasii atorlugit sanaajupput. Ilinniartitsissusiaasimasut uani takusinnaavatit: UANI Aamma taakku akeqanngitsumik App Store aqqutigalugu ugguuna aasinnaavatit: UANI
Periutsinik ingerlatitseqqiineq
Ukiuni kingullerni periusissat pillugit nunatsinni assigiinngitsuni workshopertitsinerit ingerlanneqartarsimapput. Siullermik Qeqqata Kommuniani ilinniartitsisut workshopertinneqarput kingusinnerusukkullu Ilinniartitaanermut Aqutsisoqarfik suleqatigalugu nunatsinni ilinniartitsisunut nunatsinnit tamanit toqqagaasunut ingerlatsisoqarluni. Pisullu tamarmik &LEARNING aqutsisoqarulugu ingerlanneqarsimallutik. Siunnerfik anguniagaasorlu naatsumik oqaatigalugu tassaavoq, ilinniartitsisunik nunatta sinnerani ilinniartitsisoqatiminnut filmit atorlugit periusissanik ilinniartitsisalersinnanissaat. Workshopertitsinerni sammineqarput iPadsit atuartitsinermi atorneqarnissaat, aammalu sammineqarlutik tuluit oqaasii matematikilu. Ilinniartitsisut iPadsit ilinniartitsissutitut atornissaat
“Ilinniarnermut atugassiaavoq”
Kommuneqarfik Sermersuumi Kivitsisa aallartinneqartinnagu siullermeerutaasumik ingerlatsisoqarsimavoq. Tassani ilinniartitsisut atuartullu akulliit tamarmik iPadsilerneqarsimapput. Tassanilu Rune Bundgaard, kingusinnerusukkut Kivitsisap ingerlanneqarnerani aqutsisuulersoq, workshopertitsisimavoq ilinniartitsisunullu ikiortitut sullissisimalluni. Sermersuup nittartagaatigut ilanngussami matumani, atuarneqarsinnaapput ilinniartitsisup Mette L. Willumsenip iPads atorlugu atuartitsinermini misilittagarilersimasai. Ilaatigullu taanna oqaluttuarpoq: ”Ipad aqerluusaasiviup imarisaasa ilaattut isigineqassaaq. Ilinniarnermimi atugassiaavoq. Atuartullu ilaasa iPadimik atuineq uummarissaataasutut misigisimavaat, taamatullu misigisimallutit atuartut
Isummersorfissat misilittakkallu Qeqqata aammalu Kujqalleq Kommuneaniik
Qeqqata Kommuniani Kommune Kujallermilu isumassarsiat misilittakkallu ilusiliiniarnermi tunngavigineqarput, taakkunanimi 2014-imi ilinniartitsisunut atuartunullu iPadsinik tunniussuisoqarnikuummat. Taamatut iliortoqarpoq atuartitseriaasit atorneqartut allanngorsarumallugit. Filmiliami talerpiup tungaani takuneqarsinnaasumi 1. klassemi atuartut takutippaat, ulluinnarni atuartinneqarnerminni iPadsitik qanoq atortarlugit. Ilinniartitsisullu Magdalene aamma Aaniisi oqaluttuarput, peeriarfissat nutaarluinnaat qanoq misigisaqartitsisut, qanorlu ilinniartitsitseriaatsinik nutaanik periarfissiisut.