Ilinniartitsisut atuartullu ukioq atuartitsiviusoq nutaaq aallartikkunikku Kivitsisa Akademimi pikkorissarnerit pingasuusut piareeqqassapput. Ilinniarfissuarmi ilinniaritsisut Kivitsisalu qanimut suleqatigiillutik ineriartortinneqarput, sammisanik, apeqqutinik atuartitsinermilu pisartunik aallaaveqarlutik.
Qanoq ililluta atuartitsineq, atuartunik peqataanissamut, ilikkagaqarnissamut ineriartorniissamullu periarfissiisoq pilersissinnaavarput? Qanoq ililluta atuartut arlariinnik oqaasii atorneqarsinnaappat? Qanorlu ililluta avatangiisit ilikkariartorfiusut, atuartut assigiinngitsunik pisariaqartitsisut peqataaffigisinnaasaat pilersissavagut?
Ilisimasanit sulinermut
Pikkorissarnerit Kivitsisa Akademimiipput, tassani ilinniartitsisut pikkorissarsinnaallutillu suliaqarfimminni ulluinnarni suliaminnut nalimmassaallutik isumassarsiorsinnaapput.
Pikkorissarnerni nutaani taakkunani Ilinniarfissuarmi ilinniartitsisut ilisimasaminnik atuartitsinermillu isigeriaatsiminnik avitseqatiginnissapput. Pikkorissarnerit tamarmik imikkut videonik, qitiusunik sammisamut faagimilu taaguutinik ilisarititsissapput. Videonut ilaapput eqqarsaatissiissutit, oqaloqatigiinnermut kortit, ilitsersuutit taaguutillu allattorsimaffii, imarisaasa atuartitsinissamut atassusernissaannut oqisilaataasut.
Pikkorissarnerit
Kivitsisa Akademimi pikkorissarnerit nutaat pingasut
Ilaatigut allanngorartitsinermut sammisaqarnermullu, ilikkagassatut anguniagassanut ersarissunut, ataatsimuussusermut misileraateeqqanullu atuartitsinermi misilerarneqarsinnaasunut tunngapput.
Peqataatitsineq atuaqatigiinnillu aqutsineq peqataatsineq, ilaatigut attaveqaatit, sinaakkutit ersarissut atuartitseriaatsinermullu aaqqissuussineq pillugit.
Danskisut oqaaseqqaaqarani atuarfimmi atuartut misigisaannut pisunullu tigussaasunut atassusiineq, ilaatigut ilisimariikkat, oqaatsit pigsinnaasat arlariinnillu oqaaseqartuuneq nukittuffittut isigalugit.
Pikkorissarneq tamakkerlugu – massakkumulluunniit naleqquttut
Pikkorissarnerik immikkoortunut agguataagaapput. Ilinniartitsisut ataasiakkaat pikkorissarneq isumartik malillugu aallaqaataaniit naanissaanut ingerlassinnaavaat imaluunniit sammisamut maannamut naleqquttumut video, sungiusaat ilitsersuulluunniit toqqarsinnaallugu.
Atortussiat aamma suleqatillu atorneqaesinnaapput. Assersuutigalugu suleqatigiit sammisamut tunngasumik videomik isiginnaaqatigiissinnaapput kingornalu oqaloqatigiinnermut kortit atorlugit imarisaanik eqqartuisoqarsinnaavoq, misilittakkanik avitseqateqarsinnaalluni atuartitsinermilu sunik misileerusunnerluni eqqarsaqatigiittoqarsinnaalluni. Taamaalilluni pikkorissarnerit ataasiakkaatut aammali atuarfimmi ineriartoqatigiinnissamut aallaaviusinnaapput.
Pikkorissarnerit ilinniartitsisunut timelærinullu suliaapput. Sammisani taaguutit nassuaanneqartassapput atortussiallu arlalitsigut assigiinngitsutigut suliassanut iseriarfissiissallutillu atuartitsinerup suliarinerani tigussaasunik assersuuteqartassallutik.
Pikkorissarnerni misileraateeqqat aamma sammineqarput: iliuutsit annikitsut tigussaasullu ilinniartitsisuusup atuartitsinermini misilittarlugillu nalimmassarsinnaasai.
Videot
Kivitsisa Akademimi pikkorissarnerit nutaat pingasut
Ilinniarfissuarmit ilisimasat nuna tamakkerlugu siammarneqarpoq
Pikkorissarnerit pingasut Ilinniarfissuarmi ilinniartitsisunit peqateqarluni ineriartortitaapput. Taakku videoni ilisimasaminnik saqqummiipput, pikkorissarnerullu sannai atortussiallu allat Kivitsisa qanimut suleqatigalugu ineriartorinneqarlutik.
Suleqatigiinneq ukiut arlallit ilinniartitsisunik piginnaanertusarnermut suleqatigiinnermit aallaaveqarluni ingerlariaqqinneruvoq. Ilinniarfissuarmi ilinniartitsisut ilaatigut nuna tamakkerlugu ilinniartitsisut peqataaffigisinnaasimasaannik nittartakkakkut faagit sammisallu assigiinngitsut pillugit webinarertitsisuupput.
Pikkorissarnerit nutaat aqqutigalugit suleqatigiinnermi alloriartoqarpoq. Ilisimasat ilinniarfissuarmilu misilittakkat maanna pikkorissarninngortinneqarput, taakkulu nuna tamakkerlugu ilinniartitsisunit atuartitsinerannut atuarfimmullu naleqqutsillugit atorneqarsinnaapput.