Ukioq atuarfiusoq 2026/27 Kivitsisa pikkorissarnernik onlineusunik marlunnik timelærinut aammalu ilinniartitsisunut neqerooruteqarpoq.
Webinarernerit qulequtaqarput Timelærinut pikkorissartitsineq aappaattut Allamiut oqaasiinik atuartitsisunut pikkorissartitsineq.
Pikkorissarnerit marluusut tamarmik atuartitsinermi sakkussanik aaliangersimasunik aammalu ilinniartitsisut namminneq ulluinnaannut aallaaveqarput. Ilaatigut pilersaarusiorneq, atuartunut suliaqartitsisunut atuartitsinermik, utertiffiginninnermik, naliliinermik digitaliusumillu sakkussanik atuinermik soorlu iPad, Showbie aamma Book Creator.
Peqataaniarnermi ilinniartitsisut ataasiakkaat, qinnueqannginnermi atuarfimmi aqutsisumiik akuerineqarnissartik nammineq akisussaaffigaat.
Webinar illit atuartitsinernut naleqqunnerusoq toqqaruk, ataanilu immersugassaq atorlugu nalunaarit.
Toorlugu atuarnerugit:
Timelærinut pikkorissartitsineq
Sullinniakkat: Timelærit ulluinnarni aalajangersimasumik nalinginnaasumik atuartitsisartut.
Kivitsisa Akademimi pikkorissarnernut ukununnga attuumassuteqarput: iPad – Tunngaviusut tamarmik | Showbie
Pikkorissarnerup siunertaa:
Pikkorissarnerup siunertaraa timelærit ulluinnarni atuartitsisutut atuartitsinermi pilersaarusiornermut, ingerlatsinermut nalilersuinermullu tigussaasunik sulianullu attuumassuteqartunik sakkussaannik pissarsiaqarnissaat.
Ilutigalugu peqataasut suliaqarfimminni ataatsimoorfeqarnissaat pingaaruteqarpoq, tassanimi imminnut avitseqatigiissinnaallutillu misilittakkatik aallaavigalugit atuarfiit annerit minnerullu akornaniminni imminnut isumassarsiorfigisinnaassapput.
Imarisai
- Atuartunik suliaqartitsisumik atuartitsinissamut pilersaarusiorneq
- Ukiumut pilersaarutit
- Ingerlatsinerit
- Lektionit
- Sammisat
- iPad atuartitsinermi sakkussatut
- iPad’i atuleruk – Isertaatit isissutissallu, intra allallu
- Atuartitsinermi iPad tunngaviusumik
- Angusakka, iliuusissatut pilersaarutit atuartunillu nalilersuineq
- Angusakka atuartunik ingerlanneqartoq
- Nalilersuineq – atuartut imminnut nalilersornerat, peer-to-peer | ilinniartitsisut nalilersuinerat atuartunullu utertitsiinerat
Pikkorissarnerup siunertaa
Pikkorissarnerup siunertaraa timelærit ulluinnarni atuartitsisutut atuartitsinermi pilersaarusiornermut, ingerlatsinermut nalilersuinermullu tigussaasunik sulianullu attuumassuteqartunik sakkussaannik pissarsiaqarnissaat.
Pikkorissarnermut ilaatillugu webinarernikkut avitseqarigiinneq pikkorissarnermi immikkuualuttunik ikorfiisoq ingerlanneqallattaassaaq. Webinarernerit ataatsimoorluni eqqarsaatersuuserfimmik pilersitsissapput timelærinullu misilittakkanik avitseqateqarnissammut, apeqquteqarnissamut aammalu atuarfiit nunaqarfiillu akimorlugit isumassarsiorfiussallutik.
Webinarernerit onlinekkut ingerlanneqartassapput peqataasullu atuartitsinerinut attuumassuteqarluassallutik.
Pikkorissarnerup kingora:
- Ukiumut pilersaarutit, ingerlatsinerit, lektionit sammisassallu ataatsimut isigalugu takusinnaalersimassavatit
- Atuartuutitit peqatigalugit iiuusissatut pilersaarusiorsinnaalersimassaatit
- Inimi atuartitsivinni nalilersuisinnaanermi suliaqarluarsinnaalissaatit
- Eqimattat attaveqaataasunut misilittakkanik avitseqateqarsinnaalissaatit
Alle webinarer er fra kl. 13:30-16:00
Webinar 1:
D. 20/8
2026
Webinar 2.
D. 24/9
2026
Webinar 4:
D. 10/12
2027
Webinar 5:
D. 14/1
2027
Webinar 6:
D. 3/6
2027
Seth-Ole Skifte
Nuna tamakkerlugu atuartitsinermut siunnersorti
Kivitsisa
Om:
Oqaatsit atorneqartut: Kalaallisut/Grønlandsk
Sumi: Online – Zoom
Qinnuteqarnissamut killigititaq: Aggustip 15-t
Peqataasussat: Ikinnerpaamik 5 amerlanerpaamik 12
Sivisussusaa: Webinarernerit arfineq pingasut 2 tiiminik sivisussusillit (Kivitsisa Akademimi piareersarnertalerlugu 3 tiimit naatsorsuutigineqassapput)
Naatsorsuutit:
Pikkorissarnerit ingerlanneranni pikkorissartut suliassat marlussuit suliarissallugit naatsorsuutigissavaat.
Allamiut oqaasiinik atuartitsineq
Pikkorissarnerup siunertaa:
Pikkorissarneq allamiut oqaasiinik atuartitsinermi ilinniartitsisunut, atuartut atuarnerminni paasisinnaassusaannut saqqummiussisinnaanerannut, utertitsivigisinnaanerannut, attaveqarnermut atuakkanillu paasissutissanik imalinnik multimodaliusunik suliaqarnermik imaqarpoq.
Sullinniakkat
Pikkorissarneq nukarlerni akullernilu nukarlerniittunut (1.-5. klassini) atuartitsisunut saaffiginnittuuvoq, pingaartumik qallunaatut oqaatsit aappaattut tuluttullu atuartisinermi.
Imarisai
Pikkorissarnermi oqaatsit pillugit atuartitsinermi siusissukkut oqaatsinik pigiliussineq, attaveqarnikkut ilinniariaatsit, literacy siusissoq suliaqarnerillu multimodaliusut pinngorartitsinikkut suleqatigiinnikkullu ingerlatissavagut. Pikkorissarnermi saqqummiinerit, suliakkerneqarnerit, ataatsimut eqqarsaatersornerit namminerlu atuartitsinermi misileragassat aallaavigalugit sungiusarnerit naapissutaasassapput. Peqataasunut faagimi atuartitseriaatsini modelit nutaat saqqummiunneqassapput, namminerlu atortussiat atuartitsinissamullu ingerlatassaaqqat sammineqassallutik:
Suliarissavagut:
- atuarneq sioqqullugu, atuarnerup nalaani atuarnerullu kingorna atuakkanik paasisinnaaneq
- oqaatsitigut piginnaasat (tusarnaarneq, allanneq, atuarneq, oqalunneq), attaveqarnikkut ilinniariaaseq qitiutillugu
Atuakkat paasissutissaasut multimodaliusut suliarinissaanut sakkussat:
- Book Creator suliaqarnermi sakkussatut
- Pilersaarusiorneq ingerlatsinerlu, tassani atuartut namminneerlutik atuagaaqqanik paasissutissanik imalinnik multimodaliusunik suliaqassapput
- Faagimut tunngasumi saqqummiinermi allaqqasut, assit nipillu ilanngussornissaat
Utertitsivigitinneq nalilersuinerlu
- Utertitseriaatsit atuartut ilikkariartornerannut peqataanerannullu ikorfiisut
Siunertaq
Pikkorissareernerup kingorna…
- Showbie atorlugu utertitsinissannut (feedbackimut) atugassanngorlugu aaqqissuussaasumik suliaqarsinnaalersimassaatit
- atuartut atuarsinnaanertik pillugu multimodaliusunik eqqarsaatersorsinnaaneranni ikorfartorsinnaalersimassavatit
- atuartut Book Creatorimi suliaqarnissaannut ingerlatsinissaannut ilusilersuisinnaalersimassaatit
- atuartut allaqqasut, assit nipillu akulerutsillugit suliaqarneranni ikorfartorsinnaalersimassavatit
- atuartut multimodaliusumik suliaqarnerini siunertalimmik utertitsivigisinnaalersimassavatit
Peqataasunut piumasaqaatit:
- Pikkorissarneq onlinekkoormat, naatsorsuutigineqarpoq peqataasut namminneerlutik atortorissaarutitik nassassagaat(iPad imaluunniit qarasaasiaq)
- Misilittaarusussuseqarneq suliaqartarnerullu oqaluttuarerusunnera
- Allamiut oqaasiinik atuartitsisuuneq (ilinniarsimasuunissaq piumasaqaataanngilaq)
Alle webinarer er fra kl. 14:00-16:00
Webinar 1:
D. 24/9
2026
Webinar 2.
D. 29/10
2026
Webinar 3:
D. 26/11
2026
Webinar 4:
D. 14/1
2027
Webinar 5:
D. 8/4
2027
Webinar 6:
D. 3/6
2027
Pilunnguaq Olesen
Nuna tamakkerlugu atuartitsinermut siunnersorti
Kivitsisa
Om:
Oqaatsit: Kalaallisut/Grønlandsk
Sumi: Online – Zoom
Qinnuteqarnissamut killigititaq: Aggustip 15-t
Peqataasussat: Ikinnerpaamik 5 amerlanerpaamik 12
Sivisussusaa: 6x 2tiimit.
(piareersarnertalerlugu 3 tiimit naatsorsuutigineqassapput) = 12 timer