Alimatu: Alisissumit atuartitsineq tigussaasunngortoq
Atuartut atortussaat Alimatu maanna atuarfinnut alisissumit atuartitsiffiusunut nassiussuunneqarsimalerput. Aammattaaq alisissumit atuartitsisartut Nuummi katersuupput atuartitsinerminniatortussiat atornissaannik ilinniarlutik. Siunertaraa: Alisissumit atuartitsinerup aalatitsinerulernissaa suliaqarnermullu qaninnerulernissaa aammalu nuna tamakkerlugu ataatsimut sakkussaqalernissap isumagineqarnissaa. Alimatu atorlugu nunatsinni alisissumit atuartitsinerup ineriartornerani alloriarneruvoq.
Ilikkariartornermi periarfissat nutaat
Alimatu karsiuvoq mikroskopinik ,LEGO-nik robotiaqqanib aamma greenscreeninik imalik. Atortut alisissumit atuartitsisut peqatigalugit toqqagaapput alisissumillu atuartitsinerup soqutiginarnerulernissaanut kajuminnarnerulernissaanullu pilersitsinissamut periarfissarpassuaqalersitsissallutik. Suliniut Oak Foundation Denmark-imit taperneqarpoq.
Alisissumit atuartitsinermik misilittakkagut ersaripput: Atuartut uninngaannaratik aalanerulissapput assatillu atussavaat. Issiaannassanngillat atuartitsisorlu skærmikkut tusarnaarlugu. Iluatsitsinerunngilaq. Ajornakusoorsinnaavormi. Ilinniartitsisunut ilinniartitseriaaneq, suliakkiineq qisuarinerlu nutaajuvoq. Atuartitseriaaseqarnermi nassaarsiorsinnaanermik annertuumik piumasaqaatitaqarpoq! Saniatigullu suliaqarnermi suminiaqqat alisissumit ilinniartitsisut ilisimasariaqarpaat, soorlu atuartut atuarfimmi suut pissarsiarisinnaaneraat.
Karsi periarfissarpassuanitsitsisoq
Alimatu-karsi atuarfinni alisissumit atuartitsiviusuni tamani arlalinnik periarfissaqalertitsivoq. Atortunik atuartut misissuinissaannut, pilersitsinissaannut saqqummiinissaannullu periarfissinneqarput – skærmip saani aammalu qimallugu. Atuartut mikroskopimi uumassusilinni pisuni misissuisinnaapput, podcastimut nipinik immiussisinnaapput robotiaqqallu atorlugit koderisinnaallutik. Atiartitsisut ungasissumiittut atuartut atortussaat ilisimavaat. Taakkuupput suliakkiillutillu suliaqarnerup nalaani naammassereernerumilu qisuariartussat.
““Atortussatsialaapput. Periarfissaqalerneruvunga atuartitsinermalu ineriartornissaa suliakkiinissarlu ajornaannerulerpoq. Aamma atuartitsinera pitsaanerulersillugulu ersarissisinnerulersissavara atuartunullu ajornannginnerusumik takorluukkannik nassuiaasinnaallunga.” Iviluna Willumsen ulluinnarni Napasoq aamma Atammimmi alimasissumik atuartitsisartoq taamak oqaasertaliivoq.
Alimatu imminermik pitsaanerusumik atuartitsinermik tunniussinngilaq – peqataatitsisinnaanermulli periarfissanik ammaassivoq atuartullu alisissumit atuartitsinermut piginnittutut misiginerulersinnaapput.
Workshop aallarniutitut
Sapaatip akunnera 43-mi nunatsinni alisissumit atuartitsisut Nuummi workshoperlutik katersuupput. Tassani Alimatu ilisaritinneqarpoq misilerartinneqarlunilu. Alisissumit atuartitsisut atortussianik karsiniittunik suliaqartinneqarput – ingerlatassanillu tigussaasunik ineriartortitsisinneqarlutik, uterunik aallartissinnaasaminnik.
Karsit nassiussuunneqareerput, atuaqatigiiaanilu suliarineqarsinnaalereerlutik. Qaammatini tulliuttuni Alimatu-p atorneqarnera – aammalu atuartut ilikkariaatsit qanoq tiguneraat takussallugu soqutiginassapput. Iluatigalugu atuartitsisut imminnut avitseqatigiissinnaapput, isumassarsiaminnik atuartitsinermilu ingerlatsinerminnik paarlaasseqatigiissinnaallutik. Tamannalu pisinnaavoq assigiimmik atortussaqaramik.
Alimatu-mut eqqarsaatit tunngaviusut
- Ataatsimut aallaveqarneq: Nuna tamakkerlugu atuartut ilinniartitsisullu assigiinnik atortussaqarnissaat.
- Alisissumit atuartitsisut attaveqatigiinnissaat: Atuartitsisut katersuullutik workshopeqataapput akorniminilu avitseqatigiissinnaallutik – imminnut aammalu Kivitsisap atuartitsinermi siunnersortaat peqatigalugit.
- Atuartut peqataasut: Atortussiat misissuinissamut, pilersitsinissamut saqqumminissamullu kajuminnartuupput.
- Aaqqissuussaaneq ersarissoq: Kivitsisa alisissumut atuartitsinissamut pitsaasumut ersarissumik malitassaqalereerpoq, tamannalu atuartitsisut nammineerlutik ineriartortitseqataaffigaat.
- Teknikikkut ataqatigiinneq: Alimatu alisissumit atuartsitsinermut atugassanngorlugit iPad’inut Kivitsisallu isertarfiutaannut atugassanngorlugit toqqagaapput.
Atuartut atortuisa imaat
1) Misissuineq
Mikroskopi pinngortitalerinermi pisut pinerini suminiaqqanik takutitsisinnaasut
2) Pilersitsineq
LEGO-t misilittagaqalernissamut aaqqiissuteqarnernermullu atugassat.
Robotiaqqat matematikkimi/teknologimi koderutit.
3) Saqqummiineq
Green screen pinngorartitsilluni videonut medianilu suliaqarnissamut.
Mikrofonit nipinik immiussisinnamut podcastiliornissamullu.
Atortussianut Alimatu-mut aningaasaliisunut, Oak Foundation Denmark-imut
qujanarujussuaq
