Ullut pingasut ingerlaneraanni Naapiffik ingerlanneqarpoq, tassanilu ikiortit 80-t ilinniartitseriaatsinut nutaanut isumassarsiortinneqarlutillu kajumissaarneqarput, workshopertinneqarlutik ataatsimoornerlu nukittooq malugitinneqarluni. Anguniagassartaverivaali nuna tamakkerlugu ilinniartitsisut 1.000-t tungaanut amerlassusillit apuussiviginissaat. ”Ikiortit pikkorinnerulissapput suleqatitillu pikkorinnerulersissallugit.”
“Ikiortit tulluusimaarutigeqaagut,” Rune Nydam Bundgaard, Kivitsisami suliniutini aqutsisuusoq Nuummi Naapiffik 2023-mi peqataaqqammerluni angerlaqqammersoq oqarpoq.
“Piumassuseqarluarlutillu ilinniarusussuseqarluartuupput, ilinniartitsinissaminnullu suli pikkorissinerunissaminnut kajumissuseqarlutik,” nangippoq.
Ilinniartitseqqikkusussuseq immikkut pingaaruteqarpoq. Tassungami tunngasuuvoq. Naak Kivitsisami ikiortit atuarfinnilu suliarujussuat pingaaruteqaraluaqisoq ikiortit ilinniartitsisunut allanut iluaqutaalluartuunissaat isumassarsisitsisartuunissaallu anguniagaavoq.
“Ikiortimmi meeqqat atuarfiineereerput ikorfartuillutik, ilitsersuillutik aammalu pamersaanikkut ilinniartitseriaatsillu pillugit illoqarfinni nunaqarfinnilu ikiuisarlutik. Tassa atuuffiat. Ullut tamarluinnaasa meeqqanik inuusuttunillu ilinniaritsisut 1.000-t ikiortarnissaat,” Rune Nydam Bundgaard, Jakob Steensig, it atorlugu pamersaanermi siussersorti peqatigalugu Naapiffimmik ingerlatsisoq erseqqissaavoq.
“Ataatsimoornissap, qanoq ilinniartitsinissamut tunngaannanngitsup, aammali pitsaasuullunilu pissarsioaqarfiusoq peqataasunillu ingerlateqqinneqarsinnaasup piareersarnissaa siunertaajuaannarpoq” Rune Bundgaard oqarpoq.
IT anguniakkap anguniarnerani atugassaavoq
Ilinniartitsisut atuartullu tamaasa iPadeqartillugit alisissumiillu atuartitsineq, atuartut amerliartuinnartut atortagaat, aqqutigalugit Naapiffeqarnerani ilinniartitsineq naleqquttup isumaqarluartullu pilersinnissaat anguniagaavoq, taakkulu ikiortit suleqatiminnut atuartunullu ingerlateqqissinnaassavaat. Atuartitsineq isumaqarluartoq naleqqulluartorlu tassaapput qitiulluinnartut.
“Atuartut it it pillugu ilikkagaqassanngillat. It atuartut inuusuttullu naleqquttimik atuartinneqarnerani kivitseqataanermut sakkussaavoq, atortussaq suliaqarnermilu iluaqutaasussaq,” Jakob Steensig ikiortinik ilisarisimalluinnaleraluttuinnartoq, taamaalillunilu ilinniartitsinermik naleqquttumik oqitsumillu ikiortit ilisarisinnaasaannik pilersitsisinnaasoq oqaluttuarpoq.
Taamaammat Naapiffimmi “fagit” qaffasinnerusumik anguniarneqartuarput – ilaatigut Podcast-workshop ikiortit tamarmik aqqusaagaat.
“Ilinniartitsinerput ikiortit atuarfinnut ingerlatitseqqiinissaat assigalugu periuseqarpugut – misissuineq, pilersitsineq, saqqummiineq, eqqarsarneq. Tassa teknikkit sammisamut tunngasut sammeriarlugit, sullinniakkanut nalimmassariarlugit, saqqummiuteriarlugit naggataatigullu saqqummiunneqartut eqqartorlugit,” Jakob Steensig oqaluttuarpoq nangillunilu podcast media ilinniartitsissutigalugu pisunut naleqquttorujussuusoq. Oqimaaqatigiisitsinerlu taanna pingaaruteqarpoq.
“Podcast oqalulluni saqqummiussissutigalugu nukittoqutaaqaaq. Atuartut nipitik tusaagaangamikkit ittuulaaqqaartarput qaangipallattaarpaalli. Suleriuseqarnermi tassani tullinnguuttarpoq nipit podcastinngortinnissaanut pilersinnissaani allattariarsornermit oqinnerusoq. Ilutigalugu nipip pinngortinnera filmiliornermisulli ajornartiginngilaq, inuusuttut tassani inuttat assiliallu aamma eqqarsaatigisarmatigit. Media taanna iluaqutissarpassuaqarpoq,” Jakob Steensig oqarpoq, tamannallu Naapiffimmi malugeqaarput. Ikiortit suliaqarusussuseqaat assullu sakkussanik tigooqqaallutik – misileraajutigalutik.
“Ilinniartitseriaatsit, teknikkit toqqakkagullu sooq taakku atornerlugit tunngavilersortuarnissaasa nukittorsarnissaat sammijuarparput. Ikiortit suleriutsinut piginnittuutut misigissavaat atuarfimminnut uteraangamik inissisimanerminnut piareersimanerusarniassammata,” Jakob Steensig inerniliivoq.
“Aap, suliassaraarput imatut pikkoritsigilernissaat ilisimalikkatik misilittakkatillu ingerlateqqissinnaassallugit. Tassunga tunngasorujussuuvoq – Ikiortit atuarfinni ilinniartitsisut suli pikkorinnerilersinnaanissaannut pikkorissisissallugit,” Rune Bundgaard erseqqissaavoq ilassutigalugulu ukioq manna Naapiffimmi pingaarutilimmik oqariartuuteqarmat.
“Meeqqat atuarfiini ilinniartitsisut, ikiortit ikiortiserinissaannut qilanaaritsi! Atorsigit, takullugulu atuarfissinni iluaquterujussuummata. Ikiortit tassaapput ikiuisussat.”
Paasissutissat:
- 2018 aallarnerfigalugu meeqqat atuarfiini ilinniartitsisut ikiortiusut amerligaluttuinnarput – ilaat piffissami tamakkiisumi, allalli ilinniartitsisuunermi saniatigut. Ullumikkut meeqqat atuarfiini ikiortit 80-t sinneqarput, taakkulu Kalaallit Nunaanni suleqatiminnut pamersaanikkut atuartitseriaatsimilu tapersersuillutillu ilitsersuisuupput.
- Ikiortit suleqatititk qanimut ulluinnarni atuartitsineranni tapersersortussaavaat. Ingerlaatsini peqataasarput, piareersaaqataallutik, ingerlatseqataallutik nalilersueqataallutillu, soorluttaaq piffissap ingerlanerani aqqutissiuisuullutillu avitseqatigineqarsinnaasut.
- Ikiortit suleqatiminnik ikiuisussanngorlutik ilinniartinneqartarput. Ilaatigut tamanna “Ikiortit Naapiffik” ingerlannerani pisarpoq, tassani katersuuttarput pamersaanikkut, teknikkinik, suleqatillu aqqutissiuunnissaannil ilinniartinneqartarlutik.