Suleqatigiinni modeli
Suleqatigiinni modelip ilisarnaatai suuppat suullu iluaqutitarai?
Suleqatigiinni modelip ilisarnaatai suuppat suullu iluaqutitarai?
Suleqatigiinni modeli atorlugu atuarfiit ilinniartitsisunik ilinniarsimasunik linjefageqarfimminni atuartsitsisinnaasunik atorfinitsitsisinnaapput, atorfinitsinneqartullu illoqarfimmut najugaqarfiginngisaminnut alisissumit atuartitsisarsinnaapput.
Tassa imaappoq nittartakkut atuartitsisartoq atuartut atuarfianni atorfeqarpoq, naak alisissumitatuartitsisartoq illoqarfimmi allami najugaqaraluarluni.
Atuarfiit ilinniartitsisunik alisissumit atuartitsisinnaasunik tamakkiisumik, tassa taakkiisumik skemalimmik, atorfeqarfitsisinnaapput. Nittartartakkakkuttaaq atuartitsisartoq piffissap ilaannaa atuarfimmi sulisussatut atorfeqarsinnaavoq. Uani pingaarneruinnarpoq alisissumit atuartitsisartoq atuartut atuarfianni ilinniartitsisut sulisut suleqatigissagai.
Suleqatigiinni modeli atorlugu atorfinitsitsinermi atuarfinni aqutsisut ilinniartitsisunik faginut aalajangersimasunut ilinniartitsisup ilinniarfigisimasaanut atuartitsisussanik atorfinitsitsisarput. alisissumit atuartitsisussaq fagini tamani klassinilu tamani atuartitsisinnaavoq.
Suleqatigiinni modelip iluaqutai
- Atuarfiit ilinniartitsisussaaleqisut faginut tamanut atuarfiup pisariaqartitsiffigisaanut ilinniarsimasunik alisissumit atuartisisinnaasunik atorfinitsitsisinnaapput.
- Ilinniartitsisoq alisissumit atuartitsisussatut atorfinitsinneqartoq fagimut ilinniarfigisimasaminut atuartitsinissaminut atorfinitsinneqartarpoq. Ilinniartitsisunik atuartitserusuttunik atorfinitsitsineq sulinermut nuannarinninnermik atuartullu nuannaartumik ilinniartitsisutaarnerannik kinguneqartarpoq.
- Atuarfimmi ilinniartitsisut suleqatitaartarput fagimut atuartitsinermullu isumassarsiorfigisinnaasaminnik.
- Alisissumit atuartitsisartoq illoqarfimmut nunaqarfimmulluunniit imaluunniit nunamut allamut nuussagaluarppat, alisissumit atuartitsisartoq allamik atorfissarsiortariaqanngilaq. Suleqatigiinni modeli atorlugu alisissumit atuartitsisoqarnermit, atuarfimmi ilinniartitsisut akornanni sulisunik taarseraannernut Atuartut ilinniartitsisutik ukiorpassuarni ilinniartitsisorisinnaavaat.
- Atuarfiit alisissumit atuartitsisunik atorfeqartitsiinnarunik, atuarfiit akulikitsumik nutaanik ilinniartitsisunik atorfinitsitsisariaqassanngillat. Taamaaliornikkut atuarfiit nukissanik sulisunut nutaanut, suliassanik nuutsitsinernut ilinniartitsinernullu atuiffigi
- Ilinniartitsisut angerlarsimaffimminni sulisinnaatillugit, atuarfiit allaffeqarnernut immaqalu atuartut klassissaannut aningaasartuutinik sipaarsinnaapput.
Suleqatigiinni modelimi pingaarutillit
Pingaaruteqarpoq alisissumit atuartitsisussatut atorfinittoq atuarfimmi suleqatitaatut isigineqarnissaa, ukiullu atuarfiusup ingerlanerani aamma taamak isigineqartariaqarnissaa. Misilittakkat takutippaat aaqqissuussaq matumunngatut ittoq aqutsisunit suleqatigiinnikkut sulisutigullu peqataaffigineqanngitsillugu ilaatigut unammillernarsinnaasoq.
Atuartut ungasillugit illoqarfeqartilluni, atuartunullu nittartakkakkuinnaq attaveqartilluni alisissumitilinniartitsisumut pisariaqarsinnaavoq, atuarfimmi atuartullu akornanni susoqarnerannik malinnaatinneqarnissaq.
Atuarfimmi allanik sammisaqartitsisoqarnerani, aallaarsimaartoqartillugu allatulluunniit sammisaqartoqartillugu alisissumit atuartitsisup atuartitsinissaa eqqarsaatigineqartariaqarpoq.
Alisissumit atuartitsisartoq ilinniartitsisut akornanni ataatsimiittoqartillugu allatigulluunniit aaqqissuussaqartillugu alisissumit peqataatinneqartariaqarpoq.
Suleqatigiinni modelimi pingaarutillit
Pingaaruteqarpoq alisissumit atuartitsisussatut atorfinittoq atuarfimmi suleqatitaatut isigineqarnissaa, ukiullu atuarfiusup ingerlanerani aamma taamak isigineqartariaqarnissaa. Misilittakkat takutippaat aaqqissuussaq matumunngatut ittoq aqutsisunit suleqatigiinnikkut sulisutigullu peqataaffigineqanngitsillugu ilaatigut unammillernarsinnaasoq.
Atuartut ungasillugit illoqarfeqartilluni, atuartunullu nittartakkakkuinnaq attaveqartilluni alisissumitilinniartitsisumut pisariaqarsinnaavoq, atuarfimmi atuartullu akornanni susoqarnerannik malinnaatinneqarnissaq.
Atuarfimmi allanik sammisaqartitsisoqarnerani, aallaarsimaartoqartillugu allatulluunniit sammisaqartoqartillugu alisissumit atuartitsisup atuartitsinissaa eqqarsaatigineqartariaqarpoq.
Alisissumit atuartitsisartoq ilinniartitsisut akornanni ataatsimiittoqartillugu allatigulluunniit aaqqissuussaqartillugu alisissumit peqataatinneqartariaqarpoq.
Suleqatigiinnissamut aaqqissuussinissamullu eqqarsaatersuutit
Atuartitsinnginnermi, atuartitsinermi atuartitsinerullu kingorna suliassat
- Alisissumit atuartitsisoq atuartunut qanoq ittumik attaveqassava?
- Sumiiffimmi ilinniartitsisoq atuartunut qanoq ittumik attaveqassava?
- Atuartitsinnginnermi, atuartitsinermi atuartitsinerullu kingorna alisissumit atuartitsisussap aammalu sumiiffimmi ilinniartitsisup suut suliassarai?
- Alisissumit atuartitsisartoq atuartunut qanoq attaveqassava? Sumiiffimmi ilinniartitsisoq atuartitsisoqarnerata nalaani atuartunut qanoq attaveqartassava?
- Sumiiffimmi ilinniartitsisoq atuartitsisoqannginnerani qanoq piareersaasassava?
- Qanoq qaqugukkullu alisissumitatuartitsisartup sumiiffimmi ilinniartitsisoq atuartitsisoqarnissaanut piareersartassavaa ataqatigiissaareqatigisassallugulu (assersuutigalugu atortussanik assigisaannillu piareersaanissaq)?
Atuarfimmi aqutsisoq ilinniartitsisunik angajoqqaanillu aggersaassaaq nittartakkakkulluatuartitsinermik ingerlatsinissartik pillugu paasititsissalluni, aammalu alisissumitatuartitsisoq sulisut allat suleqatitulli allatut suleqatigissagaat paasititsissalluni. Sulisut susoqarnersoq ilisimasariaqarpaat. Taamaaliornikkut alisissumit atuartitsineq atuarfimmut eqqulluarneqarsinnaavoq.
Aqutsisut qulaani pineqartut suliassaannik inissiinissaq, aammalu immikkoortut sisamat aallaqqaammut taaneqartut iluanni sinaakkusiinissaq akisussaaffigivaat. Allaaserisap saqqaani takuneqarsinnaavoq.
Alisissumit ilinniartitsisup suliaminut tunngatillugu tapersersorneqarneqmisigisariaqarpaa. Alisissumit atuartitsisartumut atuarfimmi arlaatigut allanngortoqartillugu, soorlu skematigut allannguisoqartillugu napparsimasoqartillugu arlaatigulluuniit atuartunut pingaaruteqartoqarsinnaasunik pisoqartillugu,atuarfimmi aqutsisoq nalunaaruteqartarnissaa pingaaruteqarpoq. Atuarfimmi aqutsisoq ingerlaavartumik sivikkaluamik alisissumit atuartitsisartumik ataatsimeeqateqartassaaq, tassanilu alisissumit atuartitsisartoq qanoq innersoq sunillu pisariaqartitsinersoq oqaluuserineqartassalluni.
Aqutsisup alisissumit atuartitsisartoq klassimik aqutsineranut atuartullu naammagisimaarinninnissaannut tapersersuissaaq. Alisissumit atuartitsisuttaaq ajornartorsiortoqartillugu ilinniartitsisutulli allatut atuartumik atuarfiup aqutsisuanik peqateqarluni oqaloqatiginnissinnaassaaq. Alisissumit atuartitsisartoq angajoqqaanik ilannguttoqarnissaa pisariaqartissappagu, atuarfimmi aqutsisup angajoqqaanut attaveqarnissaq isumagissavaa.
Alisissumit atuartitsisartup atuartitsinissamik pilersaarusiornissaq ingerlatsinissarluakisussaaffigai. Alisissumit atuartitsisartup atuartut fagimi anguniakkanik ilikkagassatullu anguniagassanik naammassinnissinnaanissaat akisussaaffigaa.
Alisissumit atuartisisartoq klassimi ataatsimut, eqimattanut ataasiakkaarluniluunniit atuartitsisinnaavoq.
Alisissumit atuartitsineq alisissumit ingerlanneqarsinnaavoq imaluunniit atuartut suliarisinnaasaannik ilitsersuinertut ingerlanneqarsinnaavoq. Suliassat atuartut piffissaqalerunik suliarisinnaavaat.
Alisissumit atuartitsisartup atuartitsisoqarnissaanut pilersaarusiortuusassaaq.
Alisissumit atuartitsisartumut pingaaruteqarpoq sumiiffimmi ilinniartitsisumut atuartitsinissami susoqassanersoq nalunaaruteqarnissaa kiisalu atuartitsinerup nalaani sulerissanersoqoqaatigissallugu.
Alisissumit atuartitsisussatut eqqarsaatigineqarsinnaasut:
- Atuartitsisoqannginnerani, atuartitsinerup nalaani atuartitsinerullu kingorna alisissumitatuartitsisartup suut suliassarai?
- Atuartitsisoqannginnerani, atuartitsinerup nalaani atuartitsinerullu kingorna sumiiffimmi ilinniartitsisup suut suliassarai?
- Alisissumit atuartitsisartoq atuartunut qanoq attaveqassava?
- Sumiiffimmi ilinniartitsisoq atuartunut qanoq attaveqassava?
- Sumiiffimmi ilinniartitsisoq atuartitsinissanut tamanut qanoq piareersartassava?
- Alisissumit atuartitsisartup sumiiffimmi ilinniartitsisoq atuartitsinissamut qanoq piareersassavaa (atuartitsinissamut atortussat, piffissamik atuinissaq allallu)?
Suleqatigiinni modeli atorlugu alisissumit atuartitsinermi sumiiffimmi ilinniartitsisoq atuartsitsinermut ikiuuttarpoq, uanili allaassutigaa alisissumit atuartitsisup atuartitsitsinissaminut pilersaarutai kiisalu atuartitseriaaseq toqqagaa malillugu atuartitsisoqartarnissaa.
Sumiiffimmi ilinniartitsisup aamma alisissumit atuartitsisoq malinnaatittassavaa atuartut qanoq atugaqarnersut atuartitsinerlu qanoq ingerlanersoq pillugit. Assersuutigalugu sumiiffimmi ilinniartitsisup alisissumit atuartitsisartoq saaffigisinnaavaa oqarfigalugu atuartut unillatsiarnissaminnik anitsiarnissaminnilluunniit pisariaqartitsisut.
Atuartitsinermi aarlaatigut unammilligassaqartillugu sumiiffimmi ilinniartitsisup aamma alisissumit atuartitsisoq ikiorsinnaavaa. Sumiiffimmi ilinniartitsisup alisissumitatuartitsisartoq nassuiaassinnaavaa atuartut akornanni susoqarnersoq, taamaaliornikkut atuartitsinerup aallartinnissaanut sumiiffimmi ilinniartitsisoq ikiortigalugu alisissumit atuartitsisartup aaqqiagiinngissutsit arlaatigullu naammagisimaarinnerup iluani ajornartorsiutaasut aaqqiiffiginiarsinnaavai.
Alisissumit atuartitsinermi atuartitsineq aalanerusoq ersaarinnerusorlu atuartut ingerlannissaat sungiusassavaat. Atuartut amerlanerpaat ilikkapallattarput. Alisissumit atuartitsisoqarneratigut atuartut alisissumitattaveqarnerusariaqarnerat peqqutaalluni atuartut ammanerulerlutillu namminersornerulertarput.
Atuartut alisissumit atuartitsisartup tikikkuminaatsitai oqaloqatigineqarnissaat anguniarlugu sumiiffimmi ilinniartitsisoq peqatigalugu alisissumit atuartitsisisartup atuartoq naapissinnaavaa. Ataatsimiinnerni atuartoq nipaatsoq alisissumitatuartitsisartup ilinniarnerusinnaavaa imminut saqqummiunnera aallaavigalugu immaqalu arlaatigut suliassatigut ikiorsinnaallugu.
Kommunit, atuarfinni aqutsisut, alisissumit atuartitsisup sumiiffimmilu ilinniartitsup akornanni ataatsimut alisissumit atuartitsinissamik pilersaarusiornissamut eqqumaffissatut allattukkagut atorsinnaavasi alisissumit atuartitsisoqarnissaanut tunngatillugu oqaluuseerisassat oqaluuserisimanerisi aalajangiiffigisimanerisilu qulakkeerniarlugit:
Alisissumit atuartitsisartoq sumiiffimmilu ilinniartitsisoq aalajangersimasumik ataatsimiittarnissaat
Piffissap ingerlanerani nittartakkkakkut atuartitsisartup pisariaqartittarpaa paasissallugu atuartut qanoq innersut. Isumassarsiatsialaasinnaavoq sumiiffimmi ilinniartitsisorlu aalajangersimasumik ataatsimiittarnissaq, naapinnerni atuartsitsineq atuartullu inissisimaffii oqaluuserineqarsinnaapput.
Aammattaaq atuarfimmi aqutsisup alisissumit atuartsitsisartumik ingerlaavartumik oqaloqateqartarnissaa iluaqutaasinnaavoq. Assersuutigalugu aallaqqaataani naapikulanerusoqarsinnaavoq, piffissallu ingerlanerani akuttunerusinnaallutik. Alisissumit atuartsitsisartup atuartitsisarneri apeqqutaallutik aallaqqaapput assersuutigalu aallaqqaammut sapaatip akunneri allortarlugit ataatsimiittoqartarsinnaavoq kingusinnerusukkullu qaammatikkaartunngorsinnaallutik naggataatigut qaammat allortarlugu ataatsimiittoqartarsinnaalluni.
Atuarfimmi aqutsisunik ingerlaavartumik oqaloqatiginninnissaq nalilersuinissarlu
Qulaani aqutsisut, alisissumit atuartitsisartup, sumiiffimmilu ilinniartitsisup suliassaattut nassuiaatini allanneqareersimasuni atuarneqarsinnaavoq alisissumit atuartitsisup suleqatitut misigitinneqarnissaa pingaaruteqartoq. Taamaattumik pingaaruteqarpoq eqqaamassallugu arlaatigut aalajangiisoqarsimatillugu alisissumit atuartitsisartup paasitinneqarnissaa, tassami alisissumit atuartitsisartoq allatulli atuarfimmi – nunaqarfimmiugaluarpat illoqarfimmiugaluarpalluunniit takussaassanngimmat.
Uanittaaq aaqqissuussaanermi eqqumaffissanik suliaqarnissaq iluaqutaasinnaavoq. Suliassaqarfiit ilaanni pisariinnerusinnaavoq, annerusumik atuarfinnik amerlanernik aaqqissuisussaqartinnagu. Imaassinnaavormi alisissumit atuartitsisoq piffissap ilaannaa atorfeqartinneqartoq, taamaammallu immaqa atuarfinni arlalinni alisissumit atuartitsisartutut atorfeqartoq. Tassa imaappoq, atuarfinni assigiinngitsuni suleqateqartoq. Imaassinnaavoq alisissumit atuartitsisartoq nammineq ujartuisarnissaannik akisussaaffilerneqarsinnaasoq aammalu aqutsisunik ataqatigiissaarisoqarnissaanik ujartuisinnaasoq, assersuutigalugu imaassinnaammat atuarfinni atorfeqarfigisaani immikkut sammisaqarnerit ataatsikkut ingerlanneqarsinnaaneri assigisaallu qulakkeerneqarsinnaanngitsoq.
Taamaattumik aaqqissuussaanermi equmaffissanik allanik suliaqartoqarsinnaavoq, tassanilu oqaloqatiginninnissaq, pilersaarusiornissaq arlaatigullu aalajangiiffigisanik allattuiffeqarnissaq iluaqutaasinnaavoq.
Kommunit, atuarfinni aqutsisut, alisissumit atuartitsisup sumiiffimmilu ilinniartitsup akornanni ataatsimut alisissumit atuartitsinissamik pilersaarusiornissamut eqqumaffissatut allattukkagut atorsinnaavasi alisissumit atuartitsisoqarnissaanut tunngatillugu oqaluuseerisassat oqaluuserisimanerisi aalajangiiffigisimanerisilu qulakkeerniarlugit:
Atuartitseriaasissamut teknologimullu tunngatillugu eqqarsaatigisariaqakkat
Alisissumit atuartitsisartut klassimi pilersaarusiorluarnissaat
Klassimik alisissumit atuartitsinissamut nittartakkakkullu atuartitsisussap isersimaffigisassaata aaqqissuulluarneqarsimanissaata eqqarsaatiginissaa pingaaruteqarpoq. Pitsaanerpaamik periuseqalernissassinnut imaassinnaavoq periuutsinik assigiinngitsumik misileraaqqaartariaqartusi. Eqqarsaatigineqarsinnaasut:
Atuartut nittartakkakkullu atuartitsisup inissisimaffigisinnaasaannik nassaaritsi. Tassa imaappoq atuartut inissaqassapput aammalu alisissumit atuartitsissussaq inissaqassaaq.
Eqqarsaatigisiuk:
- Nipituallaannginnissaa.
- Taarpallaannginnissaa aammalu assiliivik eqqarsaatigalugu igalaamit qaamanermik annertuallaamik saqqaqqasoqannginnissaa.
- Init atuartitsiffiusussat alisissumit atuartitsinissamut atortunik imaqarsinnaapput. Alisissumit atuartitsisussap inigisaani flipovereqarsinnaavoq imaluunniit tavlinnguaqarsinnaavoq/whiteboardinnguaqarsinnaavoq. Imaassinnaavoq aamma atortorisanut assiliiveqartoqassasoq titartakkat allatallu allalluunniit takutinniakkat takutinneqarsinnaaniassammata, taamaaliornerullu nalaani suli kiinaq takuneqarsinnaassalluni.
- Atuartut immikkut iPad-ilerlutik malinnaassappat? Ataatsimoorlutik skærmersuakkut malinnaassappat? Imaluunniit akulerussuunneqassappat?
- Alisissumit atuartitsisup klassi tamakkerlugu atuartullu takusinnaaniassammagit sumiiffimmi ilinniartitsisoq iPad-imik stativilerluguluunniit inissiissava?
- Atuartitsineq pitsaanerpaamik ingerlanniarlugu atuartut qanoq inissisimatinneqassappat?
- Nipip pitsaasup atorneqarnissaa qanoq qulakkeerneqassava?
- Atuartut atuartitsinerup nalaani siutequteqassappat?
- Qanoq sammisaqartoqassanersoq apeqqutaalluni init assigiinngitsut atorneqartarsinnaappat?
Alisissumit atuartitsisussap inissaanut eqqarsaatigisassat:
- Alisissumit atuartitsisussaq tavlip saavani issiassava/nikorfassava? Imaluunniit iPad tavletut atorneqassava (soorlu keynote immaqaluunniit PowerPoint)?
- Alisissumit atuartitsisoq atuartitsinerup nalaani siutequteqassava?
- Alisissumit atuartitsisoq atuartut inaannit atuartunillu ataasiakkaanit nipimik pitsaasumik pissarsinissaa qanoq qulakkeerneqassava?
Suleqatigiinni modelimi pingaarutilinnik allanik aamma ilaqarpoq:
- Atuartitsisoq ilinniartitsisutulli allatut atuarfimmi atorfeqarnera peqqutaalluni, Suleqatigiinni modelimi piumasaqaataavoq atuarfimmi nittartakkakkullu atuartitsisartup angerlarsimaffiani pitsaasumik internetimut attaveqarnissaq.
- Ulluinnarni suleqatigiinneq, ataatsimiinnerniinnaanngitsoq, ulluinnarnili qeratanngitsumik ataatsimiinnerit assersuutigalugu anitsiarfinni, ingerlaavartumik oqaloqatiginninnerit assigisaallu ingerlanneqarnissaat qanoq qulakkeerneqarsinnaappat?
Atuartut tatiginninnissaat toqqisisimanissaallu
Atuartut arlallit alisissumit atuartitsineq nuannaraat. Qanoq pissuseqarnissartik ilikkapallattarpaat. Suleqatigiinni modeli atorlugu alisissumit atuartisisoqarnerani atuartut ukioq naallugu ingerlaavartumik ilinniartitsisuminnut attaveqartarput. Tamanna peqquutaalluni alisissumit atuartitsisartoq atuartunut pitsaasumik attaveqalertarpoq ilikkarluartarlugillu. Atuartut fagitigut ineriartornerat suliassatigut takuneqarsinnaasarpoq inuttullu atugarisaatalisissumit atuartitsisup ataasiakkaarilluni ataatsimiitsitsisarneratigut malinnaavigineqarsinnaalluni.
Atuarfiit ilaanni Suleqatigiit modeli atorlugu alisissumit atuartitsiffiusimi angajoqqaat ilaat ernummateqarsinnaasarput ilinniartitsisumut attaveqarneq naammannersoq. Uani pingaaruteqarpoq paasissallugu atuartut ilaannut ilinniartitsisumik alisissumit peqateqarnissaq pitsaanerusartoq. Naapinngikkaluarluni alisissumit naapinnerni ilinniartitsisumik ataatsimeeqateqarneq kimeqarnerusinnaavoq ammanerusinnaallunilu. Alisissumit taaq ataatsimeeqateqartartarneq atuartunut matoqqanerusunut tunuarsimaanerusunullu iluaqutaasinnaavoq, tassuunalu ilinniartitsisuminnut attaveqalersinnaallutik. Tamannalu aamma ilaatigut isumaqarsinnaavoq ilinniartitsisumik nutaamik ataatimiisitsineq nutaamik aallartitsinnertut nutaamillu attaveqalernertut.
Atuartut arlallit alisissumit atuartitsineq nuannaraat. Qanoq pissuseqarnissaminnik ilikkapallattarput kiisalu alisissumit atuartitsinneqarnissaminnik ilinniartitsisumullu toqqissisimalipallattarput. Atuartut sungiunniartussaavaat alisissumit atuartitsisumut attaveqarniarneq allaanerummat, taamaattumik atuartut toqqissisimalernissaat anguniarlugu piffissamik atuinissaq pingaaruteqarpoq. Eqqarsaatigisiuk:
- Alisissumit atuartunut qanoq pitsaasumik attaveqartoqarsinnaava?
- Atuartut alisissumit atuartitsinneqarnissaminnut tatiginnilernissaat toqqissisimalernissaallu anguniarlugu qanoq iliuuseqartoqarsinnaava?
Nunaqarfimmut/atuarfimmut alakkaaneq
Alisissumit atuartitsisup atuartut atuartittagassani tikeraartariaqanngilai. Tamaakkaluartoq alisissumit atuartitsinerup aallartinnerani ilinniartitsisup atuartut ilisarisimalernissai anguniarlugit iPad-iinut ataasiakkaarluni sianersinnaavoq paasiniarlugu qanoq suleriuseqarnersut, qanoq suliaqartarnersut aammalu malinnaaffiginiarlugit.
Piffissaqartoqassappat alisissumit atuartitsisartoq atuarfimmut alakkaasinnaavoq. Tikeraalaarneq atuartunut pitsaasumik kinguneqarsinnaavoq, tassami alisissumit atuartitsisuminnik qanimut ataatsimiititsissagamik. Alisissumit atuartitsisup alakkaanermini atuartut inuttut, inuiaqatigiittut fagimilu inissisimaffii paasisaqarfigisinnaavai.
Alisissumit atuartitsisumut atuarfimmut alakkaaneq aamma iluaqutaasinnaavoq allatut, tassami kikkut suleqatiginerlugit, suni atuartitsisarnersut, sunik pikkoriffeqarnersut paasisinnaassagamigit, qaqugukkullu kikkut qanoq ikiortiserisinnaanerlugit paasissallugu.
Alisissumit atuartitsisumut atuarfimmi sumiiffimmilu suut periarfissaanersut ilisimasaqarfigissallugu iluaqutaasinnaavoq. Tamaalilluni atuartut ulluinnarni avatangiisii alisissumit atuartitsinermi ilanngunneqarsinnaassallutik.
Atuartunik alakkaaneq alisissumit atuartitsinermut ilanngunneqarsinnaavoq. Piffissap ilaani alisissumit atuartitsinerup ingerlanneqarnerani alisissumit atuartitsisup atuarfimmut alakkaanerani sunik alakkaassanersoq atuartunit pilersaarusiorneqarsinnaavoq.
Imaluunniit killormut: Tikeraarnerup nalaani atuartut alisissumit atuartitsisartoq peqatigalugu arlaannik katersisinnaapput, iPad-ikkut immiussisinnaapput, arlaannik sanallutik aallartisarsinnaapput, misileraanermik aallartitsisinnaapput, taakkualu alisissumit atuartitsisartoq sumiiffimminut utereerpat nangeqqinneqarsinnaallutik.
Alisissumit atuartitsisartup suliassat annikinnerit assersuutigalugu Showbiemut iliorarsinnaavai, taakkualu atuartut ataasiakkaarlutik ataatsimoorlutilluunniit akisarsinnaavaat. Assersuutigalugu oqaasilerisitsisoqassappat atuartut oqaatsinik, oqaaseqatigiinnik oqaluttuanilluunniit immiussisinnaapput, taakkualu ilinniartitsisup atuartulluunniit tusaariarlugit oqaaseqarfigisinnaavaat. Periuseq tamanna nalinginnaasumik atuartitsinermi aamma ingerlanneqarsinnaavoq. Atuartulli tamarmik iPad-eqarneri atorluarlugit atuartut ittoortut, atuartunit allanit tusaaneqaratik, kisimiitsillutik oqaatsinik sungiusartinneqarsinnaapput. Alisissumit atuartitsineq atorlugu atuartut oqaatsinik taasinissaminnik sungiusartinneqarsinnaapput atuartunik allanik tusaasoqanngitsoq. Alisissumit atuartitsineq atorlugu atuartut ittoortartut peqataatinneqarnerusinnaapput.
Saniatigulli puigorneqassanngilaq atuartunut ataatsimut, ulluinnarni nalinginnaasumik atuartitsisarnertut oqaloqatiginnittarnissaq. Taamaaliornermi atuartut ataatsimoortutut misiginissaat anguneqartarpoq kiisalu atuartut akornanni oqaloqatigiissinnaaneq periarfissaasarluni.
Siunnersuutitsialaavoq allanngorartitsinissap pingaassusaata eqqaamanisaa – tassa atuartitsinerup ataasiakkaanut ataatsimullu atuartitsinerup akornanni allanngorartinneqarnissaa.
Suleqatigiit modeli atorlugu atuartitsinermi alisissumit atuartitsisup atuartut sapaatip akunneranut akunnerit arlallit atuartittarsinnaavai immaqalu ukiuni arlalinni taamak ingerlasoqarsinnaalluni. Atuartut ataasiakkaat ilinniartitsisullu akornanni ammasumik tatiginneqatigiinnertalimmik atassuteqartoqalersinnaavoq.
Naak atuartitsineq alisissumit ingerlagaluartoq atortussiat tigussaasut assigiinngitsorpassuit atorneqarsinnaapput. Alisissumit atuartitsinermi ilaatigut nammineq pilersitat saqqummersitsisarfinnilluunniit saqqummersitat atorlugit atuartitsineq takuarput.
Qanoq iliorniarnerluni uani eqqarsaatigisiuk. Assersuutigalugu:
- Nammineq atortussianik atuineq
- Najuulluni atuartitsinermi atorneqartartunik suliareersunik alisissumit atuartitsinermi atuineq
- Alisissumit atuartitsisup paasisaanik atuineq
- Atuartut tigusinnaasaannik atuineq
- Atuartut namminneerlutik (imaluunniit sumiiffimmi ilinniartitsisup) atortussianik suliaqassappat/anisitsissappat/nassiussissappat?
Alisissumit atuartitsisartoq sumiiffimmilu ilinniartitsisoq suleqatigiillutik atuartitsinissamik pilersaarusiussapput atortussianillu toqqaassallutik.
Kivitsisa alisissumit atuartitsinermi iPad pingaarnertut atortussatut isigineqarpoq. Ataatsimulli isiginninnermi tabletsit allat qarasaasiallu aamma atorneqarsinnaapput.
Suleqatigiit modelimi alisissumit atuartitsisoq inuttatut pingaarnertut inissismavoq, uanilu pingaaruteqarpoq paasissutissiissutigissallugu iPad-i attaveqaatitut qanoq atorneqarnissaa aammalu alisissumit atuartitsisoq, sumiiffimmi ilinniartitsisoq atuartullu qanoq attaveqartarnissaat paaseqatigiissutigineqassasoq kiisalu atortoq atorlugu qanoq oqaloqatigiissinnaanerlutik atuartut paasisariaqarlugu. Soorluttaaq aamma pingaaruteqartoq atuartut klassip iluani oqaloqatigiinnissaat, eqqumaffigisassalli tassani amerlanerupput.
Atuartut ilaannut iPad atorlugu attaveqarniarneq pisariitsuuvoq. Ilaannulli aamma ”pisariippallaalersinnaavoq”. Tassami iPad atorlugu asuli assiliisoqariaannaavoq oqaloqatigiinnermilu nuanninngitsunik oqaaseqartoqarsinnaalluni. Atuartut puigorsinnaasarpaat oqaloqatigineqartoq inuusoq ilumoortoq.
Alisissumit atuartitsisup atuartunik alisissumit oqaloqateqarnissaa atuartunillu allanik oqaloqateqarnissaa mianersornarsinnaavoq. Taamaattumik atuartunik ataatsimut oqaloqateqarnissaq, klassimilu ataatsimut isumaqatigiissuteqarnissaq kiisalu alisissumit naapinnerni “nettiquette”-nik suliaqarnissaq iluaqutaasinnaavoq.
Alisissumit atuartitsinerup aallartinnginnerani, alisissumit atuartitsisussap fagimut atuartisissutissaminut app-inik tulluartunik atugassaminik toqqaariissaaq. App-eq Showbie-mik taaguutilik alisissumit atuartitsinermi pingaarnertut atoneqarsinnaavoq. Uani skemat isumaqatigiissutillu siammarterneqarsinnaapput, ataatsimut naapittoqarsinnaavoq, aammalu suliassanik tunniussisoqarlunilu utertitsisoqarsinnaavoq. Atuartut namminneerlutik Showbie-mik atuisinnaapput.
iPad-i angerlaanneqarsinnaatissiuk
Pitsaanerpaassaaq atuartut iPad-imik angerlaassisarnissaannik atuarfiliaassisarnissaannillu sungiusaraanni. Taamaasiornikkut alisissumit atuartitsisisoq atuartitsinissaminut amerlanerusunik periarfissaqassaaq. Iluaqutaasinnaavortaaq atuartoq angerlarsimaffimmini internetimut attaveqaruni, periarfissaqassaguni atuartoq atuarnerup avataani suliassanik tigusisinnaallunilu tunniussisinnaalluni. Atuartut angerlarsimaffimminni interneteqarunik, ataatsimoorlutik ilinniakkereqatigiissinnaapput imaluunniit alisissumit ilinniartisisorisaminnik angerlarsimaffimminni ilitsersuunneqarsinnaapput.
Pitsaanerpaassaaq atuartut iPad-imik angerlaassisarnissaannik atuarfiliaassisarnissaannillu sungiusaraanni. Taamaasiornikkut alisissumit atuartitsisisoq atuartitsinissaminut amerlanerusunik periarfissaqassaaq. Iluaqutaasinnaavortaaq atuartoq angerlarsimaffimmini internetimut attaveqaruni, periarfissaqassaguni atuartoq atuarnerup avataani suliassanik tigusisinnaallunilu tunniussisinnaalluni. Atuartut angerlarsimaffimminni interneteqarunik, ataatsimoorlutik ilinniakkereqatigiissinnaapput imaluunniit alisissumit ilinniartisisorisaminnik angerlarsimaffimminni ilitsersuunneqarsinnaapput.
Aasiannut Kitsissuarnullu alakkaaneq
Filmimi ataanut ikkunneqarsimasumi takuneqarsinnaavoq alisissumit atuartitsisartoq, Martha Nielsen, Aasianni atuarfimmit Kitsissuarsunni nunaqarfimmi atuarfimmut alisissumit atuartitsisoq.
